ЭМЯ-наас хавдар болон мэдрэлийн мэс заслын тусламж үйлчилгээний төвлөрлийг сааруулах зорилгын хүрээнд 1,2,3-р эмнэлгүүдэд хавдрын мэс заслын иж бүрэн багаж, тоног төхөөрөмж өгч байна. Энэ үеэр Эрүүл мэндийн сайд С.Энхболд үг хэллээ. 

Тэрбээр "Эрүүл мэндийн салбар гүйцэтгэлийн санхүүжилтийн тогтолцоонд шилжсэнээр хөдөө орон нутагт хаанаас ч  үл хамааран эрүүл мэндийн тусламж үйлчилгээ авах боломж бүрдэж байна. Үүний нэг ажил нь хавдрын тусламж үйлчилгээ юм. Улсын нэг, хоёр, гуравдугаар эмнэлэгт хавдрын тусламж үйлчилгээ үзүүлдэг болсон бөгөөд хагалгаа хийдэг болсон.

Мөн хөдөө орон нутагт хавдрын тусламж үйлчилгээ үзүүлдэг болсон. Тухайлбал, Хөвсгөл, Архангай аймагт хадварын тусламж үйлчилгээ үзүүлж байна. Үүний үр дүнд ард иргэдийн чирэгдэл, хүлээгдэл бурч байгаа хэмээн үзэж байна.

Өнөөдөр бид бүхэн нэг, хоёр, гуравдугаар эмнэлэгт хавдрын тусламж үйлчилгээ үзүүлэх иж бүрэн багажийг хүлээлгэн өгөх гэж байна. Ийнхүү нэг, хоёр, гуравдугаар эмнэлэг болон бүсийн таван оношилгооны төв, Хэнтий аймагт зүрх судас, хэвлийн хөндийн мэс заслын оношлогоо эмчилгээ хийдэг болсон” гэв. 

Д.Батчулуун