Байгаль орчин, аялал жуулчлалын сайдын 09 тоот албан даалгаврын хүрээнд Туул гол болон түүний цутгал гол орчмын хог хаягдлыг цэвэрлэх, байгаль орчин, усны нөөцийг хамгаалах зорилготой “CLEAN UP-2022” төслийг хэрэгжүүлж байна. Энэхүү төслийн хүрээнд “Туул голын сав газрыг цэвэрлэх” аяныг Байгаль орчин, аялал жуулчлалын яам, Туул голын сав газрын захиргаа, Дэвшилтэт Социал демократ клубээс хамтран зохион байгуулж байна.  

Энэхүү төсөлд Монгол Улсад үйл ажиллагаа явуулж буй их дээд сургуулийн 5000 орчим оюутан залуус хамрагдахаар бүртгүүлжээ. Хэрэв та танилын хүрээгээ тэлэнгээ нийгэмд сайн үйлс хийхийг хүсэж байвал есдүгээр сарын 24-ны өдөр 09:00 цагт Үндэсний цэцэрлэгт хүрээлэнгийн хөл бөмбөгийн талбайд бидэнтэй нэгдээрэй. 

Туул голоо цэвэрлэх аянд нэгдсэнээр:

-Эх дэлхийгээ хайрлан хамгаалахад бодитой үүрэг гүйцэтгэх

-Туул голын ай сав газрын талаар мэдлэгтэй болох

-Хүн болгон сайн дурын үйлсэд оролцсоныг гэрчлэх гэрчилгээг гардуулна. 

Т.Мөнхжаргал