"Гэрийн тэжээвэр амьтны тухай хууль"-ийн төслийг УИХ-д өргөн барилаа. Энэ үеэр тус хуулийн төслийн санаачлагч, УИХ-ын гишүүн Ж.Сүхбаатар үг хэллээ.

Тэрбээр "Хүнээ хайрлаж чадахгүй байж амьтны эрх яриад байна гэх шүүмжлэл их байсан. Энэ байгальд зөвхөн бид л амьдраагүй. Бид хажуудаа байгаа тэжээвэр амьтдаа хайрлах ёстой.

Хүн хүнээ хайрлахаас гадна байгаль орчин, эргэн тойрондоо бид энэрэнгүй хүнлэг байдлаа ч гаргах хэрэгтэй.

Хэцүү цаг үед энэрэнгүй үзэл, хүүхэд багаасаа бусдыг хайрлах үзлийг үүгээр ч дамжих боломжтой гэж бодсоны үндсэн дээр хуулийн төсөлд гар бие оролцсон" гэв. 

Д.Батчулуун