Нийтлэлч Баабар сэтгүүлч, “Оюутолгой” ХХК-ийн Хамтын ажиллагаа, мэдээлэл харилцаа хариуцсан ерөнхий менежер Э.Лхагвын мэдээлэл хийсэн зургийн доор өөрийн цахим хаягаараа “Энэ нөгөө прокурор асан Энх-Амгалангийн хүргэн мөн үү? Над руу утасдаад "Панамын оффшор дансанд өөрийн чинь нэр дээр 26 сая ам доллар байгааг илрүүллээ. Хагасыг нь надад өгвөл зарлахгүй" гэсэн. Миний баярласан гэж жигтэйхэн 25-ыг нь чи ав, надад ганц сая нь хаваасаг гэсэн" хэмээн жиргэсэн.
Харин өнөөдөр сэтгүүлч Э.Лхагва өөрийн цахим хуудсаар дамжуулж “Өглөөний мэнд ээ. Сэтгүүлчээр ажиллаж ирсэн он жилүүдэд хэн нэгнээс мөнгө асуух хүмүүжил, ёс зүй надад байгаагүй ээ. Харин эрх мэдэлтнүүдээс хариуцлага, ёс зүй өдөр бүр шаардаж, баримт нягталж ажилладаг бсаныг минь хамт ажиллаж бсан сэтгүүлч, редактор, үзэгчид мэдэх байх аа“ хэмээсэн.
Бид Э.Лхагватай холбогдоход дараах тайлбарыг өглөө.
-Нийтлэлч Баабар таныг оффшор дансан дахь тал мөнгөө өг гэсэн хэмээн жиргэсэн байсан. Ийм зүйл болсон нь үнэн үү?
-Үгүй ээ. Тийм зүйл болоогүй.
-Үгүй бол таны нэр хүндэд халдсан нийтлэлч Баабарыг шүүхэд өгөх үү?
-Бид хоёулаа ажил ихтэй хүмүүс. Тиймээс шүүх цагдаа гээд яах вэ.
-Панамын оффшорт Баабарын нэр байсан юм уу?
-Өмнө нь хийж байсан ажлынхаа талаар одоо ярих нь ёс зүйд нийцэхгүй байх.
Т.Мөнхжаргал
Сэтгэгдэл (7)