ОХУ-ын иргэн Монгол иргэний биед халдсан тухай мэдээлэл цахим орчинд тархсан. Энэ талаар ЦЕГ-ын Хэвлэл мэдээллийн төвийн дарга, цагдаагийн хурандаа Б.Баатархүү мэдээлэл өглөө.

Тэрбээр "Цахим орчинд яваад буй гадаад улсын иргэд гэмт хэрэг үйлдээд хүндэрсэн асуудал байхгүй.  Есдүгээр сарын 22-23-нд ОХУ-ын иргэн Д Монгол Улсад ирсэн. Тэрбээр хил дээр танилцсан иргэний байрыг түрээслэхээр 24-нд тухайн газарт ирсэн. Ингээд тухайн Монгол Улсын иргэний танил болох Г-ийн гэрт орсон байна. Гэрт Монгол Улсын гурван иргэн, ОХУ-ын нэг иргэн байсан. 

Эхний байдлаар тухайн хүмүүс согтууруулах ундааны зүйл хэрэглээд анх танилцсан болон найзтайгаа гараад явсан гэж тайлбарлаж байгаа. Гэрт Монгол Улсын иргэн Г, ОХУ-ын иргэн Д нар үлдсэн. Энэ үед иргэн Г-ийн биед халдсан байж болзошгүй нөхцөл байдал тогтоогдож байгаа.

ОХУ-ын ирэнийг 48 цаг саатуулах арга хамжээг өчигдөр авч хэрэгжүүлсэн. Мөн гэрт байсан Монгол Улсын хоёр ирэнийг саатуулсан. Мөрдөн шалгах ажиллагааны явцад гэмт хэрэг үйлдэх болсон шалтгаан тодорхой болно.

Уг иргэнийг саатуулах үйл ажиллагаа оройтсоныг хүмүүс буруугаар ойлгосон байх. Үүнд тайлбар өгөхөд гадаадын иргэн учир тайлбар мэдүүлэг авахад хэлмэрчийг оролцуулах үйл ажиллагаа явагдаад Баянгол дүүргийн цагдаагийн газарт мөрдөн шалгах ажиллагаа үргэлжилж байна" гэв. 

Д.Батчулуун