Хууль зүй, дотоод хэргийн сайд Х.Нямбаатар твиттер хаягтаа "Монгол Улсын хилийн баганыг гантиг чулуугаар бүрэн шинэчлэнэ. Хил амгалан бол Монгол амгалан" , "УИХ-ын гишүүн, сайд гэхээр л хулгайч гэж бодохоо болино уу. Мой народ" хэмээн жиргэсэн.  

Гэвч энэ нь эвлүүлэг бөгөөд энэ тухай Х.Нямбаатар өөрийн твиттер хаягтаа мэдээлжээ. Тэрбээр "Хөгжилтэй шүү манайхан. Эвлүүлгийн алдаа олно уу" гэжээ.

Харин Хууль зүй, дотоод хэргийн сайдын жиргэсэн мэт эвлүүлгийн тухай Монгол Улсын Ерөнхий сайд асан С.Баяр өөрийн сошиал хуудсандаа ийнхүү бичжээ.

Тэрбээр "Хууль зүй, дотоод хэргийн сайд Х.Нямбаатар галтай сэдэв бүрийг барьж авдаг, шийдэл олдог. Сүүлд "гадаадын хөрөнгө оруулагчдыг тонон дээрэмдсэн хүмүүст хариуцлага тооцно гэсэн" гэж мэдэгдсэнээс хойш ийм эвлүүлэг их явах боллоо. Энэ бохир технологио болиод хэдүүлээ хөгжил рүү урагшилмаар байгаа юм даа" гэв.

А.Сүх