Хөдөлмөр Нийгмийн Хамгааллын сайд Д.Сарангэрэлийг Үндсэн хууль зөрчсөн гэж үзэн огцруулсан билээ. Тэгвэл тус яамны шинэ сайд хэн болох нь олны анхаарлыг татаад буй. Мөн энэ талаарх таамаг гараад эхэлсэн.

Тухайлбал, УИХ-ын гишүүн Б.Баярсайхан, М.Оюунчимэг, МАН-ын бүлгийн дарга Д.Тогтохсүрэн, УИХ-ын гишүүн С.Чинзориг нарын нэгийг томилно гэх мэдээлэл нийгмийн сүлжээнд тархсан. Харин энэхүү мэдээллийн хариуд УИХ-ын гишүүн Б.Баярсайхан цахим хуудсаараа мэдээлэл өгчээ.

Тэрбээр "Сайд болохыг хүсэж байгаа хүмүүс нь мөрөөрөө ажлаа хөөцөлдөнө үү!!! Намайг дунд нь харлуулж зохион байгуулалттай нүдэхээ зогсооно уу, хаанаас, хэнээс гэдэг нь мэдэгдээд байна. Дарга сайд болох гээд энэ тэрүүгээр гүйгээд байдаг хүн биш гэдгээ албан ёсоор хэлье" гэжээ.