Засгийн газрын бүтэц, бүрэлдэхүүн өөрчлөгдсөнтэй холбогдуулан агентлагийн дарга нарт ч хөдөлгөөнд орох сураг байна. Эхний ээлжинд ХЗДХ-ийн сайдын харьяа агентлаг ШШГЕГ-ын даргаас томилгоо эхлэх нь.

Өдгөө энэ газрын даргаар Д.Загджав генерал ажиллаж буй. Түүний хувьд генерал цолоо авчихвал энэ байгууллагад "хоргодоод" байх зүйлгүй гэдгээ ил далдаар илэрхийлдэг байсан. Анх томилогдоход нь л "Д.Загджавын эцсийн зорилго албан тушаалын ранкаараа генерал цол хүртэх" гэдэг нь ил байв.

Энэ удаа генерал цолны ранктай энэ албан тушаалд Цагдаагийн ерөнхий газрын Захиргаа, удирдлагын газрын дарга П.Оростогоог томилох сураг байна.

П.Оростогоогийн хувьд Хэнтий, Ховд аймгийн цагдаагийн газрын даргаар ажиллаж байсан удирдах албан тушаалын туршлагатай хурандаа юм.

О.Балдан-Очир