Засгийн газрын хуралдаанаас гарсан шийдвэрийг танилцуулж байна. Энэ үеэр Хотын сайд Ж.Сүхбаатар мэдээлэл хийлээ.

Тэрбээр "Түгжрэлийн эд үе эхэлж байна. Хүмүүс ойрын арга хэмжээнүүдийн талаар асууж байна. Гэвч ойрын гэхээс илүү том зургаар бодлогын арга хэмжээнүүдийг авч үзэх хэрэгтэй байгаа юм. Энд нэг уулзвар, тэнд нэг зам гэж яриад байж болохгүй байна.

Түгжрэл бууруулах ерөнхий аргачлал бол нийтийн тээврээ сонголттой болгох. Түүний дараа дэд бүтцээ сайжруулах асуудлыг авч үзэх хэрэгтэй. 2009 онд С.Баярын засгийн газрын үед 400 автобус авсан байна. 13 жилийн тэртээд парк шинэчлэлт хийсэн байна.

Одоо нийт автобусны 75 хувийнх нь насжилт арваас дээш жил болсон байна. 576 автобус ашиглалтаас гарахаар хүндрэл үүснэ. Хоногт 2 сая 800 мянган хөдөлгөөн хийж буйн 1 сая 800 мянга нь хувийн машин байна. 685 мянга нь нийтийн тээврээр, 300 гаруй мянга нь явганаар зорчиж байна. 

Хувийн машинаар зорчих хөдөлгөөнийг 1 сая 500 мянга болгох, нийтийн тээврээр зорчигчдыг 1 саяд хүргэх, явган зорчигчдыг 64 хувиар нэмэгдүүлэхээр төлөвлөж байна.

Парк шинэчлэлийн хүрээнд засгийн газар 318 тэрбум төгрөгөөр 457 автобус авахаар тооцсон. Ирэх онд нийтийн тээврийн шинэчлэлтийг бүрэн хийж дуусгана" гэв. 

Д.Батчулуун