2022 оны хөлбөмбөгийн ДАШТ энэ сарын 20-ны өдөр Катарын нийслэл Доха хотноо албан ёсоор нээлтээ хийх гэж байгаа билээ. Тэмцээнд нийт 32 баг хурд хүч, авхаалж самбаагаа сорин өрсөлдөх гэж байна. Тэгвэл бид тус 32 багийг гол тоглогчдын хамт цувралаар онцлон хүргэж байна. 

1. Аргентины шигшээ баг - Тус баггүйгээр ДАШТ-ийг төсөөлөхийн аргагүй билээ. Багийн гол тоглогчдын нэг Лионель Мессигийн хувьд  өнөө жил 35 настай бөгөөд энэ удаагийн Дэлхийн аварга хамгийн сүүлийнх нь болж байна. 

2. Австралийн шигшээ баг - Тус багийн гол тоглогч бол Аждин Хрустич юм. Түүний аав Босни, ээж нь Румын гаралтай. Тэрбээр 1996 онд төрсөн, 26 настай. 2020 оноос эхлэн Германы "Айнтрахт Франкфурт" клубт тоглож байгаа.

3. Бразилын шигшээ баг - Багийн гол тоглогч Неймар 2011 онд шигшээ багтаа анхны тоглолтоо хийсэн. Үүнээс хойш түүний амьдралд их зүйл өөрчлөгдсөн ч тэрбээр олон сая хүний итгэл найдварыг үүрч яваа гайхалтай тоглогч хэвээр байна. Тэрбээр энэ жил 30 настай юм. 

4. Бельгийн шигшээ баг - Гол тоглогчдийн нэг Кевин Де Брюйне нь 1991 онд төрсөн, 31 настай. Тэрбээр одоогоор Английн Манчестер Сити багт тоглодог бөгөөд 2008 оноос эхлэн Бельгийн шигшээ багт тоглож буй юм. 

5. Канадын шигшээ баг - Гол тоглогч Альфонсо Бойл Дэвис нь 2000 оны арваннэгдүгээр сарын 2-нд төрсөн. Тэрбээр Бундеслигийн Байерн Мюнхен клуб болон Канадын шигшээ багт зүүн жигүүрийн хамгаалагчаар тоглодог. Түүнийг хурд болон чадвараараа дэлхийн шилдэг хамгаалагчдын нэг гэж үздэг.

6. Коста Рикагийн шигшээ баг - Тус багийн гол тоглогчоор 1986 онд төрсөн, 36 настай Кейлор Антонио Навасыг нэрлэж байна. Тэрбээр "Парис Сен Жермен" клуб болон Коста Рикагийн шигшээ багийн хаалгачаар тоглодог. 

Л.Сайнаа