УИХ-ын чуулганы хуралдаан үргэлжилж байна. Хуралдаанаар Намрын ургац хураалт болон өвөлжилтийн бэлтгэл хангах чиглэлээр авч хэрэгжүүлж байгаа арга хэмжээний талаар хэлэлцэж байна. Энэ үеэр УИХ-ын гишүүн С.Одонтуяа асуулт асууж, үг хэллээ. 

Тэрбээр “Өрхийн хэрэглээ 20 хувь буурахад 467 мянган иргэн нэмж ядууралд өртөнө гэсэн судалгаа бий. Хөрш орны туршлага байна. Жижиг үйлдвэрлэгчдийг нэмсэн. Яамны хүнд суртлыг халаад, хөнгөлөлттэй зээл олгоход бид бүгдийг нь хийчихнэ хэмээн олон хүмүүс хэлж байсан. Бизнесийн орчны үнэлгээ гарахад 160 орноос манай улс 120-н хэд гээд доогуур явна. Ийм байхад аж бизнес хийх вэ дээ. Бизнес хийх нь хүний махыг идсэн ажил болчхоод байна. Хүнд суртлын халах дээр дорвитой ажил хийгээд өгөөч.

Бид УИХ-аар гурилын үнэ, ургамлын тос гээд урамшууллууд өгсөн. Үүнд үр дүн гарсан уу? Иргэдийн хэлж буй гомдлоор бол үнэ буурсангүй гэх асуудлыг ярьж байна.

Ядуурлаас гарна гэдгийг гаднаас юм гуйх л гэж бодоод байгаа юм. Ядуурлаас гарах гэдэг бол өрхийн үйлдвэрлэл эрхлүүлээд, өрхийн амьжиргаагаа өөрсдөө залгуулдаг хэмжээнд очих хэрэгтэй.

Өрхийн үйлдвэрлэгчдийг жаахан дэмжээд өгчихөд Монгол Улс босоод ирнэ. Санаа өгчихөд дуурайгаад хийчихдэг сэргэлэн хүмүүс шүү дээ” гэв. 

Д.Батчулуун