ХӨСҮТ-ээс коронавирусийн BQ1.2, BF7 хувилбарын тандалт судалгааны үр дүн, онцлог, олон улсад тархсан байдал, вакцинжуулалтын үр дүн, бусад өвчний талаар мэдээлэл хийж байна. Энэ үеэр ХӨСҮТ-ийн Вирус судлалын лабораторийн эрхлэгч Ц.Наранзул мэдээлэл өглөө.

Тэрбээр "Арваннэгдүгээр сарын 14-21 хүртэлх хугацаанд Монгол Улсын халдварын тохиолдол ямар байна вэ гэдгийг судалж, шинжилгээ хийсэн. Энэ хугацаанд 1300 гаруй сорьцод судалгаа шинжилгээ хийсэн байна. Нийт тандалтын 70 хувьд нь томуугийн вирус, 90 хувьд нь сарс коронавирус илэрсэн байна. Эерэг илрэлтийн байдлыг тооцож үзвэл нийт шинжилсэн сорьцын 7,8 хувьд нь ямар нэг вирус илэрсэн. Сүүлийн үед амьсгалын замын вирус ихсэх болсон.

Манай орны хувьд томуугийн Б хэв шинжийн вирусийн векториа хувилбарын омог бүртгэгдсэн байна. Иймд энэ вирус тархах үндэслэл бүрдсэн байна гэсэн үг. Сарс коронавирус эерэг илэрсэн тохиолдлын тоо нэмэгдсэн буюу 19 хувьд хүрсэн байна.

Одоогоор манай орны хувьд Омикрон хувилбарын 11-н дэд хувилбарууд өвчний шалтгаан болж ирсэн нь тогтоогдсон. Тухайлбал, BQ1,2 хувилбар 58 хувьтай, BA5.2 хувилбар 38 хувьтай байна. Мөн BA3.2 гэсэн дэд хувилбар өвчний шалтгаан болж байна” гэв.

10 мянган хүн амд томуу, томуу төст өвчнөөр үйлчлүүлж байгаа хүмүүс 73,2 хувьтай байна. Амьсгалын замын цочмог хүнд халдвар гэсэн оноштой хүн 10 мянгад 4,7 хувь байна. Өөрөөр хэлбэл, улсын хэмжээнд идэвхжилийн түвшин өндөр байна" гэв. 

Д.Батчулуун