ХӨСҮТ-ээс коронавирусийн BQ1.2, BF7 хувилбарын тандалт судалгааны үр дүн, онцлог, олон улсад тархсан байдал, вакцинжуулалтын үр дүн, бусад өвчний талаар мэдээлэл хийж байна. Энэ үеэр  ХӨСҮТ-ийн Ерөнхий захирал Ц.Билэгтсайхан мэдээлэл өглөө. 

Тэрбээр "10 мянган хүн амд томуу, томуу төст өвчнөөр үйлчлүүлж байгаа хүмүүс 73,2 хувьтай байна. Амьсгалын замын цочмог хүн халдвар гэсэн оноштой хүн 10 мянгад 4,7 хувь байна. Өөрөөр хэлбэл, улсын хэмжээнд идэвхжилийн түвшин өндөр байна.

Ногоон түвшинд байгаа хоёр аймаг байна. Тухайлбал, Говь-Алтай, Дархан-Уул аймаг ногоон түвшинд байна. Харин шар түвшинд арваннэгэн аймаг, алаг цоог дэгдэлтийн түвшинд байгаа найман аймаг байна.

Томуу, томуу төст өвчнөөр өвчлөгсдийн 80 хувь нь 15 хүртэлх насны хүүхдүүд байна. Үүнээс хоёрны нэг нь дөрөв хүртэлх насны хүүхдүүд байна. Томуугийн вакцинжуулалт хийгдээд тав дахь долоо хоногтоо үргэлжилж байна. Вакцинжуулалт 65 хувьтай явагдаж байна. Бид 214 мянган хүүхдэд вакцинжуулалт хийнэ гэж төлөвлөсөн. Үүний 90,7 хувь нь хамрагдсан байна. Жирэмсэн ээжүүд 11.3 хувь, ахмадууд 53 хувьтай хамрагдсан байна” гэв. 

Д.Батчулуун