Өнгөрсөн амралтын өдрүүдэд цахим орчинд нийтлэгдсэн нэгэн бичлэгт "Би сайдын хүүхэд байна" хэмээн бусдын амгалан тайван байдал алдагдуулсан тухай дүрс бичлэгт үлджээ. Бичлэг нь өнгөрсөн есдүгээр сарынх бөгөөд согтууруулах ундаа хэрэглэсэн үедээ тээврийн хэрэгсэл жолоодож, хоёр тээврийн хэрэгсэл мөргөсөн хэрэг гарчээ. Дээрх хэрэгт зөрчлийн хэрэг нээж шалгалтын ажиллагааг үргэлжлүүлж байна. Энэ талаар Цагдаагийн ерөнхий газраас дараах мэдээллийг өглөө.
"2022 оны есдүгээр сарын 1-2-нд шилжих шөнө Хан-Уул дүүргийн 11 дүгээр хорооны нутаг дэвсгэрт байрлах хотхоны зогсоолоос 34 настай иргэн Д нь Mercedes Benz загварын автомашинтай согтжжгаар тээврийн хэрэгсэл жолоодон явахдаа Toyota Prius 20, Lexus 250 маркийн автомашинуудыг мөргөн бусдын эд хөрөнгөд хохирол учруулсан. Хан-Уул дүүргийн Замын цагдаагийн хэлтэсээс зөрчлийн хэрэг нээсэн, шалгалтын ажил үргэлжилж байна.
Өнгөрсөн амралтын өдрөөр дээрх тээврийн хэрэгслийн жолооч, зорчигч бусдын амгалан тайван байдлыг алдагдуулж буй бичлэг цахим орчинд нийтлэгдсэн. Үүнтэй холбоотой гомдол мэдээлэл өмнө нь цагдаагийн байгууллагад бүртгэгдээгүй байсан. Цахим орчинд нийтлэгдсэн зөрчлийн шинжтэй үйлдлийг зөрчлийн бүртгэлд авсан" гэв.
М.Сүхэхэй
Сэтгэгдэл (1)