ХЗДХ-ийн яамны ТНБД П.Сайнзориг цаг үеийн асуудлаар мэдээлэл хийлээ

Тэрбээр "Удахгүй машин ачилтын журмын тухай Хууль зүй, дотоод хэргийн сайдын тушаал гарах гэж байна. Ажлын хэсгийг би өөрөө ахална. Иргэдийн машиныг ачисан тохиолдолд хаанаас ямар мэдээлэл хүргэх вэ зэрэг машин ачилтын журмыг цэгцэлнэ. Журмын асуудлыг шинэчлээд ирсэн. Гэтэл хэд хэдэн хуулийн заалтыг зөрчсөн тул хуулийг буцаасан. Хоёрдугаарт, журмын хэрэгжилтыг үнэлээд ийм ийм, ингэж сайжруулъя гээд анхаараад явна. 

Надад байгаа мэдээллээр иргэн М долоон машиныг мөргөөд нэг хүүхдэд гэмтэл учруулсан хэргийг прокурорт шилжүүлсэн гэх мэдээлэл байна. Хянан шийдвэрлэх ажиллагаа процессын дагуу явж байгаа. Бид хэд хүний эрх зөрчигдөхгүй байгаасай хэмээн хүсэж байгаа. Олон нийтэч ийм бодолтой байгаа байх. Хүн бүрийн биеийн онцлог харилцан адилгүй байдаг. Эхэндээ хөнгөн байж байгаад, сүүлд нь автотээврийн бэртэл илэрдэг. Нэг гаргасан шийдвэр нь тогтсон гэсэн үг биш. Үүнийг шүүх шинжилгээний явцад мэдээллээд явдаг. Шүүх шинжилгээний тухай хуульд шинжилгээний гаргасан шийдвэрээ прокурорын хэмжээнд олон нийтэд хүргэдэг байхыг тусгана. Шүүх шинжилгээний байгууллага мэдээллэх үүрэгтэй байгууллага биш. Харин уг хуулийн хүрээнд прокурор зөвшөөрвөл өөрсдөө мэдээллээ өгдөг байх зэргийг тусгаж өгсөн" гэв. 

Д.Батчулуун