Өчигдрийн тоглолтуудаар ДАШТ-ий хэсгийн тоглолтууд өндөрлөлөө. Тэгвэл та бүхэнд өчигдрийн тоглолтоос онцлох сонирхолтой үйл явдлуудаас хүргэж байна. 

Нэг. Шөвгийн 16 баг

ДАШТ-ий хэсгийн тоглолтууд өндөрлөж шөвгийн 16-ийн багууд тодорлоо. Тэдгээрт Нидерланд, Сенегал, Англи, АНУ, Аргентин, Австрали, Хорват, Марокко, Япон, Испани, Франц, Польш, Бразил, Солонгос, Португал, Швейцар зэрэг улсууд багтлаа. 

Хоёр. Солонгосын шигшээ Портгугалыг хожив

Азийн шилдэг багуудын төлөөлөл БНСУ-ын шигшээ баг хэсгийн сүүлийн тоглолтдоо Португалын шигшээ багийг буулган авч хэсгийн хоёроор шалгарлаа. 

Гурав. Харууслын нулимс ба баярын нулимс

Хүснэгтийн хоёроор бичигдэж байсан Ганын шигшээ багийн эсрэг Саурез тэргүүтэй Уругвайн шигшээ баг хүч үзэж ялалт байгууллаа. Гэвч тэд Солонгосын шигшээ багтай оноо тэнцэж, тэмцээнд оруулсан гоолынхоо тоогоор ялагдаж, гэртээ харив. Хүснэгтийн үр дүнгийн дараа хоёр багийн лидерүүдийн өөр өөр нулимсийг бид харлаа.

Дөрөв. Сүүлийн гурван ДАШТ-д дараалан гоол оруулсан тоглогчид

Лионел Месси

Кристиано Роналдо

Жердан Шакири

Тав. Хамгийн ахмад тоглогч

Бразилын шигшээ багийн түүхэнд ДАШТ-д гараанд нэрлэгдсэн хамгийн хөгшин тоглогч Дани Алвис юм. Тэрбээр 39 нас, 6 сар, 28 хоногтой. 

Долоо. Карма 

Уругвайн шигшээ багийн тоглогч Луис Саурез 2010 оны ДАШТ-ий хагас шигшээд Гана улсын эсрэг тоглож, бөмбөгийг гараараа хаасан асуудал үүсэж, тухайн үед маргаан дагуулсаар Уругвайн шигшээ багийн талд шийдэгдэж байв. Харин өчигдрийн тоглолтод Уругвай Ганыг 2:0 харьцаатай хожсон ч үйлийн үрээр Солонгостой оноо тэнцэж, улмаар хасагдсан юм. 

Найм. This is not time for Africa

Гана улсын шигшээ баг 92 жилийн ДАШТ-ий түүхэнд нэг улсын хаалганд хоёр торгуулийн цохилт алдсан анхны шигшээ болжээ.

Ес. Бразил хэсгээ тэргүүлэв

G хэсгийн тоглолтууд өндөрлөж, Бразилын шигшээ баг хэсгээ тэргүүлсэн бол Швейцарын шигшээ баг хоёрдугаар байраар шалгарлаа. Дараагийн шатанд Бразилчууд Солонгосын шигшээ багтай учраа таарна. Харин Швейцарын шигшээ баг Н хэсгийн тэргүүлэгч Портгугалын шигшээ багийн эсрэг тоглоно.