Иргэдийн Оролцооны Нэгдэл Намаас "Хүүхдийн мөнгийг хүүхэд бүрд" жагсаал болж байна. Энэ үеэр тус намын дарга Ц.Оюунгэрэл мэдээлэл өглөө.
Тэрбээр “Парламент доторх намууд нүдээ аниад, чихээ бөглөөд хүүхдийн мөнгийн ялгаварлан олгох шийдвэр гаргуулсан учраас өнөөдөр парламентийн гадна байгаа цоо шинэ байгуулагдсан иргэдийн оролцооны нам дуугарч байна. Парламентэд сууж байгаа хүмүүс ээ хүнлэг бай гэж хэлмээр байна. Паралментэд сууж байгаа 76 гишүүн энэ кнопыг дарахдаа 2022 оны 11 сарын 11-ий өдөр юу тохирч, сэмхэн ханцуйн дотроо энэ кнопыг дарсныг мэдэхгүй. Ямар ч байсан энэ хүмүүс хүүхдүүдийг хүүхэд гэж харсангүй. Эд нар нүүрсний хулгайч нарыг өрөвдөж зургаан сарын хугацаа өгдөг. Үндэслэлгүй хөрөнгөжсөн төрийн албан хаагч нараа ажлаас халалгүй зургаан сар бодох хугацаа өгдөг. Гэтэл хэн ч хүүхдүүдийг анхаарахгүй, анзаарахгүй, өрөвдөхгүйгээр 10 хүүхдийн нэгийг нь ялгаварлан гадуурх гэдэг тогтоол гаргаж байна. Энэ бол хариуцлагагүй үйлдэл. Хүүхдийн мөнгөнд төлөвлөгдсөн 10 тэрбум төгрөг эрх баригчдын дунд гарын бүр бага шатны албан тушаалтны гэрээс олдож байгаа. Өөрөөр хэлбэл хулгайч нар өөрсдийн хулгайн мөнгийг хүүхдүүдээс суйлж байна.
Эрх баригчид хулгайч нарыг дэлбэлж, ажлаас халж орон тоогоо хэмнэж, хулгайлсан мөнгийг нь буцааж төлүүлэхийн оронд амар аргаар хариу үйлдэл хийдэггүй, дуугардаггүй, хэлд ороогүйгээр нь хүүхдүүд рүү хандаж байна. Өнөөдөр энд ирж жагсах ёстой байсан эцэг эхчүүд хүүхдээ эмнэлэгт сахиад байж байна.
Ээжүүдийг тэнд байхад араар нь эрхийг нь зөрчих их амархан санагдаж байгаа эрх баригч нарт. Жагсаалын шаардлагыг өчигдөр хүргүүлсэн. Монгол улсын ерөнхий сайд Л.Оюун-Эрдэнэд хүүхдийн мөнгийн хүүхэд бүрт олго гэдэг шаардлагыг хүргүүлсэн. Өнөөдрийн засгийн газрын хэвдэлийн бага хуралд нөгөө л есөн хувийн эрхийг зөрчиж 91 хувьд олгоно гэдэг асуудлыг ярьж байна. Өрхийн мэдээлэл зөрчилтэй нь иргэдийн өөрсдийн буруугаас болсон гэх мэдэгдэл хийсэн бүх хүмүүс огцрох ёстой. Иргэдийн төлсөн татварын мөнгөөр иргэдийн мэдээллийг системдээ зөв оруулж чадаагүй бүх хүмүүст огцрох ёстой. МАН-ынхан хариуцлагыг дандаа буруу талаас нэхдэг, өөрсдөө хулгай хийчхээд иргэд рүү чихдэг” гэв.
Б.Мичидмаа
Сэтгэгдэл (4)