НҮБ-аас Монгол хүүхдүүдэд 60 сая гаруй ам.долларын хөрөнгө оруулалт хийхээр болсноо мэдэгдлээ. Тухайлбал, Монгол дахь НҮБ-ын Хүүхдийн Сангийн (UNICEF) Суурин төлөөлөгчөөр 2021 оны арваннэгдүгээр сард томилогдон ажиллаж байгаа Эваристе Коуасси-Комлан өгсөн ярилцлагандаа “НҮБ-ын Хүүхдийн Сан нь өнгөрсөн 50 жилийн хугацаанд Монгол Улстай амжилттай хамтран ажиллаж, хүүхдийн төлөө олон ахиц гаргасан. Гэсэн хэдий ч бидний хийж дуусаагүй болон анхаарлаа хандуулах ёстой шинэ асуудлууд гарч ирсэн байна. Үүнд: хүүхдийн хөдөлмөр, таргалалт, чанартай боловсрол ба цахим боловсрол, ус, эрүүл ахуй, цахим орчин дахь хүүхдийн хүчирхийлэл, өсвөр үеийнхний сэтгэцийн эрүүл мэнд, агаарын бохирдол, уур амьсгалын өөрчлөлтийн асуудал орно. Эдгээр асуудал нь НҮБ-ын Хүүхдийн Сангийн 2023-2027 оны хөтөлбөрт орсон” гэв.
Мөн НҮБ-ын Хүүхдийн сан
- Тогтолцоог бэхжүүлэх
- Хүүхдийн эрхийн асуудалтай холбоотой шийдвэр гаргахад чанартай мэдээлэл, нотолгоог бий болгох
- Санхүүгийн нөөцийг зохицуулах
- Тогтвортой зах зээлийг бэхжүүлэх
- Олон нийтийг чадавхжуулах
- Ханган нийлүүлэлт хийх зэрэг зургаан стратегийн зарчмыг ашиглан ирэх таван жилийн хөтөлбөртөө 60 сая ам.доллар зарцуулна гэдгийг мэдэгдлээ.
Б.Мичидмаа
Сэтгэгдэл (5)