“Эрхэт Монгол” компаны ТУЗ-ийн дарга Р.Наранбаяр үүссэн нөхцөл байдалтай холбоотой тэнцвэртэй байх үүднээс мэдээлэл өглөө.
Тэрбээр “Хоёр талын тэнцвэртэй мэдээллийг хүргэх шаардлагатай гэж үзсэн учраас хэвэлийн бага хурал эхлэхээс өмнө энд ирсэн байсан. 2018 оноос эхлэн хуульч, өмгөөлөгч Г.Балжмаа Х.Мандахбаярай найман жилийн хугацаатай гэрээ байгуулсан. Тухайн үед сургуулиа төгсөөд удаагүй, ямар нэг чиглэлээр мэргэшээгүй байсан. Энэ гэрээ ёсоор ажил олгогчийн зүгээс даалгасан томилсон бизнес, улс төр, хувь хүнийх нь хувьд хуулийн зөвлөх, өмгөөлөгч, бие төлөөлөгч, гүйцэтгэх захирал болон шаардлагатай бусад албан тушаалд ажиллана гэж заасан.
Ажилтан ажил олгогчийн багийн зөвшөөрөлгүйгээр ажил тасалсан, ажлаас гарсан нөхцөлд ажил хийгээгүй өдрийг гэрээний 3.5, 3.6 заалтын үндэслэн тооцож үл маргах журмаар бэлэн мөнгөөр төлнө. Мөн ажилтан хамтын ажиллагааны үед олж авсан ажил олгогчийн бүх төрлийн мэдээллийг чандлан нууцлах үүргийг хугацаагүйгээр хүлээнэ гэж заасан.
Энэ гэрээний дагуу хоёр өрөө байр өгөх байсан ч хувиарласан байр нь өөр ажилтны байртай давхцсан учраас өөр байр луу шилжүүлсэн. Тухайн байр ашиглалтанд ороогүй байгаа. Шилжиж ажилсанаас хойш зарим хэргүүдийг авсан боловч харамсалтай нь зарим дээр ялагдал хүлээсэн. Энэ гэрээний дагуу зөвшөөрөл авч байж өөр төрлийн хэрэг авах ёстой боловч нэг ч удаа энэ зөвшөөрлийг авч байгаагүй. Хоёрдугаарт, дөнгөж саяхан болсон бизнесийн иргэний хэрэг дээр шүүх хурлаас нэг цагийн өмнө шүүх хурлаас татгалзаж байна гэдэг хүсэлт гаргасан нь иргэний хэрэг дээр манай аж ахуй нэгжийн ялагдал хүлээх байдалд оруулахуйц эрсдэлтэй үйлдэл болсон. Өнөөдрийн энэ үйлдэл ч мөн хуульч, өмгөөлөгч Г.Балжмаагын мэргэжлийн ёс зүйд онцгой халтай үйл ажиллагаа боллоо. Иймээс мэдээж хоёр өрөө байр олгох асуудлыг бид нар эргэж ярилцана гэсэн үг. Ажиллаж байх хугацаандаа хоцрох ирэхгүй байх гэдэг асуудал гаргаж байсан. Манай талаас хуульч, өмгөөлөгч Г.Балжмаагын хувийн орон сууцны түрээсийн төлбөрт 12 сая төгрөг, 550 мянган төргөрийн түрээстэй байранд 2021 оны гуравдугаар сараас эхлэн хөрөнгө санхүү авалгүйгээр суулгаж байсан” гэв.
Б.Мичидмаа
