Зөвлөлдөх санал асуулга зохион байгуулах үүрэг бүхий Зөвлөлдөх зөвлөлөөс мэдээлэл өглөө. 

Тэрбээр "Зөвлөлдөх уулзалтыг хоёрдугаар сарын 20-ны өдрийн дотор зохион байгуулах үүрэгтэй байгаа. Зөвлөлдөх санал асуулгын асуултуудыг боловсруулах бүрэн эрх, үндсэн үүрэг Зөвлөлдөх зөвлөлд бий. Зөвлөл 11 хүний бүрэлдэхүүнтэй байгуулагдсан. 80 дугаар тогтоолд заасан сэдэв бол "Зөвлөлдөж шийдье" гэсэн нэртэй.

Монгол Улсын эдийн засаг, нийгмийн асуудлыг иргэдийн оролцоотой шийдэх зорилготой. Энэ хүрээнд эрдэм шинжилгээний хурал, нийгэм эдийн засаг эрхзүйн гарц шийдэл гэсэн арга хэмжээнүүд явуулахаар заасан.

Эдгээр арга хэмжээнүүд явагдсан. Хөндөгдсөн асуудлууд болон өмнө нь тулгамдаж байсан асуудлаар мэргэжлийн судлаачид, их дээд сургуулиудын мэдээллүүд дээр суурилагдаж асуулт боловсруулагдсан. Үндсэн 20 гаруй асуулт бий. Эдгээр асуултыг дөрвөн багц болгосон. Үндсэн асуултуудаас гадна статистикийн хороо мэдээлэл авахын тулд тодорхой асуултуудыг оруулдаг. Үүнийг оролцуулаад 50 гаруй асуулт бий" гэв. 

Д.Батчулуун