Засгийн газрыг хуралдаанаас гаргасан шийдвэрийг танилцуулж байна. Энэ үеэр ЗГХЭГ-ын дарга Д.Амарбаясгалан мэдээлэл өглөө. 

Тэрбээр "Монгол Улсын Засгийн газар шинэ үндсэн хууль боловсруулахад бэлэн болчихсон байна гэх мэдээлэл олон нийтийн сүлжээгээр гарсан. Ардчилсан үндсэн хуулийг батласан ахмадуудын зүгээс тухайн үеийн хоёр танхимтай параламентын засаглал руу шилжих хэрэгтэй гэдэг зүйлийг ярьдаг. Мөн судлаачид, зарим улс төрийн намын зүгээс байнга илэрхийлдэг.

Өнгөрсөн 30 жилийн мэдээллээр арав гаруй удаа шинэ үндсэн хуулийг бичсэн параламентийн тохиодлууд байдаг юм байна. Мөн үндсэн хуулийн асуудлаар судлаачид, улс төрийн намуудтай хамтран ажиллаж байсан тохиолдлууд ч бий.

Монгол Улсын Засгийн газрын зүгээс Үндсэн хуулийг шинээр бичих санаархлыг гаргаагүй. Харин Үндсэн хууль судлаачдыг оролцуулсан ажлын хэсгийг байгуулж, Үндсэн хуульд юу болохгүй байна вэ гэдгийг судлаад танилцуулахыг хүссэн.

Шинэ Үндсэн хууль батлахаар бол ард нийтийн санал асуулга явуулах зарчим бий. Хэрэв ард иргэд санал нэгдвэл эрх баригчид татгалзаад суугаад байх боломжгүй. 

Засгийн газраас хүссэн, зөвшөөрсөн зүйл огт байхгүй. Бид өөрсдийн бодлого, хүслийн үүднээс аливаа асуудалд хандахгүй. Олон нийтийн үзэл санаа ямар түвшинд байгааг харгалзан үзнэ. 

Монгол Улс 36 улстөрийн намтай. Нам болгон Үндсэн хуулийн нөхцөл байдал, сонгуулийн тогтолцоо зэрэг асуудал дээр өөр өөрийн байр суурийг илэрхийлсээр ирсэн. Энэ бүх санал, санаачилгыг хүлээн аваад, тусгаад, шийдвэрлээд явах үүрэг эрх баригчдад бий гэж боддог" гэв. 

Д.Батчулуун