Хүүхдийн мөнгө болон иргэдийн бүртгэл шинэчлэлтийн асуудлаар ЗГХЭГ-ын дарга Д.Амарбаясгалан мэдээлэл өглөө. 

Тэрбээр "Иргэд хүүхдийн мөнгө олгохтой холбоотой асуудлаар жагссанаас хойш мэдээллийг шинэчлэх ажил эрчимтэйгээр явагдаж байна. Одоогоор 90 мянга гаруй иргэд мэдээллээ шинэчлэх хүсэлт ирүүлсэн. Мэдээлэл шинэчлэгдсэний үндсэн дээр хүүхдүүдийн нэмж мөнгө авах хэсэг нь тодорхой болж байна.

Арав хоногийн хугацаанд 10 мянга орчим айл өрхүүд шинээр бүртгэгдэж, таван мянга гаруй айл өрх хасагдаж байна. Мөн өөрийн нэр дээрх машинаа зарж байна.

Цахим шилжилтийн үйл ажиллагааны хүрээнд Монгол Улс мэдээллийн нэгдсэн дататай болсон тохиолдолд дараа дараагийн төр засгаас гарах шийдвэр бүх түвшиндээ оновчтой байх хэсэг дээрээ хүргэж чаддаг болно. 

УИХ-аас батлагдсан хууль 91 хувь гээд заачихсан тул үүнээс нэмэгдүүлэх арга байхгүй. Үүнийг зөрчвөл үндсэн хуулийн зөрчил болно. Мэдээлэл шинэчлэгдэж байгаатай холбогдуулан тоон мэдээлэл нааш цаашаа болж байна. Бусад асуудлууд хөдөлгөөнгүй байна гэж үзэж байгаа.

Мэдээллээ шинэчилсэн тохиолдолд иргэн төрийн харилцаа цахим орчинд оновчтой, түргэн шуурхай болох боломжтой хэмээн харж байна.  Засгийн газраас журам батлагдаад ажил явагдаж байна. Цахим шилжилтээр анхны удаа дата үүсгээд хүүхдийн мөнгийг олгож байгаа учраас зарим тохиолдолд алдаа дутагдал үүсэж байна. Гэсэн ч энэ бүгдийг богино хугацаанд засаж залруулаад ажиллах болно. Зургаан хувьд асуудал байна. Зургаан хувиас шигшигдээд 91 хувь нь мөнгөө аваад явна. Иргэдийн бүртгэл шинэчлэлт маш хурдан хугацаанд явж байна" гэв. 

Д.Батчулуун