Тариа андуурч тарьсны улмаас хүн нас барсан хэргийн талаар гэр бүл нь мэдээлж байна. 

Тэрбээр "2021 оны есдүгээр сард ковидын оноштойгоор нэгдүгээр төрөх эмнэлэгт хэвтсэн. Зүрхний цохилт унахад хийдэг тариаг эхний өдөр хийсэн. Харин хоёр дахь өдөр буруу тариа хийсэн. Зүрхний цохилт нэмдэг тариа хийх гэж байгаад зүрхний булчин сулладаг тариа хийсэн. Дүү маань тариаг шахаж байхад эмчээ гэж хэлээд ухаан алдаж унасан. Ингээд сэхээнд орсон. Сэхээнд хоёр хоноход эмнэлгийн удирдлагууд буруу тариа хийсэн гэдгээ хэлсэн. Сэхээнд байгаа болохоор босчих болов уу хэмээн боддог юм билээ. Гэсэн ч хоёр хоногийн дараа буюу есдүгээр сарын 28-ны өдөр нас барсан. Бид гуравдугаар эмнэлэг рүү авч явах гэсэн ч аппарат салах төдийд л зүрх нь зогсоод байсан.

Бид задлан хийлгэхэд үхлийн шалтгаант өвчнөөр нас бараагүй хэмээн дүгнэлт гарсан. Дүүг маань өнгөрөхөөс өмнө, өнгөрсөн өдөр биднийг хүлээн авч уулзаад, уучлал гуйгаад, шүүх байгууллага шийднэ гэсэн. Тиймээс бид шүүхийн байгууллагад хандсан.

Алдаа гаргасан сувилагч ажлаа хийгээд явж байна зэрэг хэл ам хийж яваагүй. Эмнэлэг дотоод журмаараа ямар нэг арга хэмжээ авсан байдаг байх. Мэргэжлийн хүн хүний аминд хүрчихээд, үргэлжлүүлээд ажлаа хийгээд явж байна гэдэг бол аймшигтай байна. Хөргөгчнөөс төстэй тариаг шүүрч аваад хийдэг найман жил мэргэжлээрээ ажилласан сувилагчийг гайхаад л байж байна" гэв. 

Д.Батчулуун