Засгийн газрын хуралдаанаас гаргасан шийдвэрийг танилцуулж байна. Энэ үеэр Барилга хот байгуулалтын сайд Ц.Даваасүрэн мэдээлэл өглөө. 

Тэрбээр "Орхоны хөндийд шинэ хот байгуулах тухай ажлыг эрчимжүүлэх чиглэлээр хоёр шийдвэр гарлаа. Нэгдүгээрт, үндэсний хороо байгуулах шийдвэр гарлаа. Салбар хоорондын уялдааг хангасан бүтцээр ажиллана. Мөн шинэ Хархорум хотын бүтээн байгуулалтын захиргааг байгуулж буй. Захиргаа байгуулагдснаар мэргэжлийн удирдлага зохион байгуулах менежментээр хангах, төслийн хэрэгжилтийн явцад хяналт тавьж ажиллана.

Геодизийн судалгаа хийж байна. Газрын бүтэц, ус цаг уурийн, газар хөдлөлтийн судалгаг хийж байгаа. Энэ судалгаа дууссаны дараа байршлыг тогтооно.Үүний дараа инженерийн дэд бүтэц, орон зайн төлөвлөлтүүд, зам тээврийн сүлжээ, ямар байршил дээр ямар ямар байрилга барих зэргийг төлөвлөнө. 

Ингээд шаардлагатай хөрөнгийн эх үүсвэрийг зохион байгуулна. Бүтээн байгуулалтын ажил эхлэхэд Ерөнхийлөгчийн ордоноос эхлээд төр захиргааны байгууллагууд байршиж эхэлнэ" гэв. 

Д.Батчулуун