Ардчилсан нам мэдээлэл хийлээ. Энэ үеэр УИХ-ын гишүүн Д.Ганбат Улсын Дээд Шүүх болон цахим сонгуулийн талаар мэдээлэл өглөө. 

Тэрбээр "Үндэсний хэмжээний хоёр том намын нэг болох АН нь сөрөг хүчний байр сууриа илэрхийлэх хэрэгтэй байгаа. Намайг намын дарга болгохоор дэмжсэн намынхаа гишүүдэд баярлалаа. Та бүхнийхээ итгэл найдварыг хүлээж, намынхаа шилжилтийн үеийг туулж, баялаг бүтээгч болох дундаж давхаргыг бүтээх ажилдаа шамдан орно. Энэ сорилтыг нэр хүндтэй туулна гэдэгтээ эргэлзэхгүй байна.

Саналын эрхтэй 153,000 гишүүн санал хураалтад оролцлоо. Үүнээс миний төлөө саналаа өгсөн 79,493 гишүүндээ талархал илэрхийлье. 

УИХ-д хоёр болон түүнээс дээш сонгогдсон АН-ын цөөн гишүүн бий. Тэдгээрийн нэг нь би билээ. Ардчиллын төлөө гэсэн иргэн бүрийг нэгдэн нягтрахыг уриалж байна. Төөрөгдсөн олон гишүүнээ цэгцэлж, үнэт зүйл, үзэл баримтлал дээрээ нэгдэж ажиллана. Юу юунаас илүү дутагдаад байгаа сөрөг хүчний бодлогыг хэрэгжүүлнэ. 

Зүүний талын намын эсрэг бодлогын өрсөлдөөн явуулж ажиллана. Иймд надад санал өгсөн намын гишүүдийн итгэл найдвар талаар болохгүй" гэв. 

Д.Батчулуун