Өнөөдөр “Пепси Алтан Цом” үндэсний бөхийн 21 аймаг 9 дүүргийн бөхчүүдийн аварга шалгаруулаж багийн тэмцээний шилдэг найман багийн эхний тойргийн барилдаан Өвөрхангай болон Баян-Өлгий аймгийн бөхчүүдийн дунд үргэлжиллээ. Уг барилдаад Өвөрхангай аймгийн баг Баян-Өлгий аймгийн бөхчүүдийн эсрэг 14-11 харьцаагаар ялалт байгуулав.

Ийнхүү ялалт байгуулсан Өвөрхангай аймгийн бөхчүүд шагнал болох гурван сая төгрөгийг Өвөрхангай аймгийн нэгдсэн эмнэлэгт, Баян-Өлгий аймгийн баг хоёр сая төгрөгийг Х.Бахадгүлийн эмчилгээнд тус тус хандивлахаар боллоо. 

Өвөрхангай аймгийг төлөөлөн улсын харцага Х.Гантулга, улсын харцага Б.Цэдэнсодном, улсын харцага Ц.Бямба-Отгон, улсын начин Б.Лхагвадорж, аймгин хурц арслан О.Наранбаатар зодоглосон бол Баян-Өлгий аймгийн багаас улсын өсөх идэр начин Н.Мустафа, улсын начин Б.Баатарцол, аймгийн хурц арслан У.Береке, аймгийн хурц арслан М.Еркебулан, аймгийн арслан Э.Тамираа,  аймгийн заан Е.Көптилек гэх бөхчүүд барилдсан. 

А.Сүх