Хүүхдийн мөнгөнд хамрагдаж чадаагүй ээжүүдийн төлөөлөл мэдээлэл хийж, хүүхдийн мөнгийг хүүхэд бүрд олгохыг хүсэж Монгол Улсын Ерөнхийлөгч У.Хүрэлсүх, УИХ-ын дарга Г.Занданшатар, Ерөнхий сайд Л.Оюун-Эрдэнэ нарт захидал хүргүүлж буй талаараа мэдээлэл хийлээ.
Мэдээлэлдээ "Нийт хүүхдийн 91 хувь хүүхдийн мөнгө олгохоор шийдвэрлэж, бүрэн олгосон гэж мэдээлсэн боловч өрхийн орлого нь 3.5 сая төгрөг хүрэхгүй, хагас бүтэн өнчин болон өрх толгойлсон эцэг эхтэй, хөгжлийн бэрхшээлтэй хүүхдүүд олноор хүүхдийн мөнгөнд хамрагдаж чадаагүй байна.
Хүүхдийн эрхийн конивецэд “Хүүхдийг эцэг, эхийн шашин шүтлэг, цалин орлогын хэмжээгээр үл ялгаварлах” гэж тусгасан байдаг. Гэтэл биднийг 91, 9 гэж хуваасан.
Тиймээс хүүхдийн мөнгөнд хамрагдаж чадаагүй ээжүүд фэйсбүүкт групп үүсгэж, судалгаа явуулсан. Судалгаанд хамрагдсан ээжүүдийн дунд хүүхдийн мөнгөнд хамргагдах хүлээлттэй, орлого нь сарын 3.5 сая төгрөг хүрэхгүй өрхийн хүүхэд хасагдсан. Судалгаанд хамрагдсан ээжүүдийн 60-70 хувь нь бага насны 1-2 хүүхэдтэй, ипотекийн зээл төлдөг залуу гэр бүлүүд хүүхдийн мөнгөнд хамрагдаж чадаагүй гэсэн байна. Мөн 12 хувь нь зөвхөн хүүхэдтэйгээ амьдардаг өрх толгойлсон эцэг, эхчүүд байна. Ямар шалгуур үзүүлэлтээр хүүхдийн мөнгөнөөс хасагдсаныг тодруулахад хариулт өгөх төрийн байгууллага алга байна" гэв.
Д.Батчулуун