Улсын дээд шүүхийн нийт шүүгчдийн хуралдаан болон Ардчилсан намын даргын асуудлаар Ардчилсан намаас мэдээлэл өгч байна. Энэ үеэр Ардчилсан намын Ерөнхий нарийн бичгийн дарга И.Мөнхжаргал мэдээлэл өглөө. 

Тэрбээр "Ардчилсан намын ерөнхий нарийн бичгийн даргаар сонгогдоод есөн сарын нүүрийг үзэж байна. Юунд итгэл үнэмшилтэй байдаг вэ гэхээр 117 мянган хүний сонгосон Х.Баттулга гэдэг хүнийг намын дарга хэмээн хүлээн зөвшөөрч, өнөөдрийг хүртэл ажиллаж ирсэн. Тэр хүнийг сонгосон 117 мянган хүний саналыг өнөөдөр хэн ч хүчингүй болгоогүй. Тэр хүнийг намын их хурлаар батламжилсан тогтоол хүчин төгөлдөр хэвээрээ байдаг.

Дараагийн даргийг сонгох ёстой юм бол тэр сонгууль, тогтоолыг хүчингүй болгох хэрэгтэй. Миний бие Д.Ганбат, Л.Гантөмөр нарыг битгий бүртгээрэй, энэ бол Ардчилсан намын дотоод дүрэм журамд нийцээгүй байна гэдэг бичиг Дээд шүүхэд хүргүүлсэн.

Ардчилсан намын мянга мянган гишүүдийн сонгосон даргаа өнөөдрийг хүртэл дарга хэмээн хүлээн зөвшөөрч байгаа. Дээд шүүх хууль, дүрэм журам гэдэг зүйлийг хэрэгжүүлнэ гэдэгт итгэж байна. Үгүй бол Ардчилсан намын хувьд дээд шүүх гэдэг байгууллага байхгүй болно гэсэн үг. Өнөөдрийг хүртэл Ардчилсан намын хувьд даргын сонгууль явагдаагүй. Явагдаагүй учир хэн нэгнийг бүртгэх боломжгүй" гэв. 

Д.Батчулуун