БАРИМТ 1
Тэрбээр 1980 оны долдугаар сарын 06-нд төрсөн. Өдгөө 42 настай.
БАРИМТ 2
Түүний төрөлх нутаг бол Испанийн Барсалона хот юм.
БАРИМТ 3
Түүний биеийн өндөр 2.16 метр буюу долоон фут нэг инч.
БАРИМТ 4
Харин түүний биеийн жин 113 килограм ажээ.
БАРИМТ 5
Түүний бүтэн нэрийг Пау Гасол Саез хэмээдэг.
БАРИМТ 6
Тэрбээр зургаан удаа NBA-ийн бүх оддын тоглолтод сонгогдож байв. Газол 2009 болон 2010 онд Лос Анжелес Лэйкерс багт тоглож, NBA-д хоёр удаа аваргалж байсан.
БАРИМТ 7
Тэрбээр анх 2001 онд NBA-д хөл тавьсан бөгөөд нэгдүгээр раундын гуравдугаар сонголтоор Мемфис Гриззлис багт нэгдэж байлаа. Пау Газол 2001-2008 онуудад Мемфис Гриззлис багтаа тоглож, улмаар 2008-2014 онуудад Лос Анжелес Лэйкерс багт хүчин зүтгэсэн. Улмаар 2014-2019 онуудад Чикаго Бүллс, Сан Антанио Спөрс, Милуоки Бакс багуудад тоглосны дараагаар 2021 онд NBA-д орохоосоо өмнө тоглож байсан Испанийн FC Barcalona багтаа тоглосон.
БАРИМТ 8
Түүний эцэг эх хоёулаа лигт сагсан бөмбөг тоглодог байв. Түүний аав Агусти нь 1.91 метр өндөртэй, сувилагч хүн байжээ. Харин ээж нь эмнэлгийн эмч, 1.85 метр өндөртэй хүн байсан аж. Түүний төрсөн дүү Марк Газол мөн NBA-ийн Лос Анжелес Лэйкерс, Мемфис Гриззлис, Торонто Рапторс багуудад тоглож байсан.
БАРИМТ 9
Газолыг төрөхөд түүний гэр бүл Испанийн Корнелла хотод амьдардаг байсан ч тэрбээр Барселон хотод төрсөн байна. Учир нь түүний эцэг, эх нь хоёулаа хотын Сант Пау эмнэлэгт ажилладаг байж.
БАРИМТ 10
Газол хөлбөмбөг сонирхдог байсан ч сагсан бөмбөгт дуртай байв. Гэвч түүний тоглосон анхны спорт бол үнэндээ регби гэнэ.
БАРИМТ 11
Тэр уг нь спортыг карьераа болгохыг хүсээгүй. Мэжик Жонсон 1991 онд ХДХВ-ийн халдвартай гэдгээ зарласан тэр өдөр Газол сургуулийн сурагч байжээ. Энэ мэдээг сонссон 11 настай Газол эмч болж, ДОХ-ын эсрэг эм олохыг хүссэн гэдэг.
БАРИМТ 12
Мөрөөдөлдөө хөтлөгдөн 1998 онд Барселонагийн Их Сургуулийн Анагаах Ухааны сургуульд элсэн орсон боловч FC Барселона баг дахь сагсан бөмбөгийн карьераа ахиулснаар нэг жилийн дараа сургуулиа орхисон байна.
БАРИМТ 13
Тэр арван зургаан настай байхдаа FC Барселонагийн өсвөрийн багт тоглож эхэлсэн . Испанийн 18 хүртэлх насны шигшээ багийн хамт тэрбээр 1998 оны Альберт Швейцерийн тэмцээн болон 1998 оны FIBA-гийн 18 хүртэлх насны Европын аварга шалгаруулах тэмцээнд түрүүлсэн гэдэг.
БАРИМТ 14
Гриззлис багт тоглосон анхны улиралдаа Газол НБА- ийн оны шилдэг шинэ тоглогчийн шагналыг хүртсэн анхны гадаад тоглогч болсон. Тэр нэг тоглолтод дунджаар 17.6 оноо, 8.9 самбараас бөмбөг авч байсан ба тухайн улиралд 82 тоглолтод оролцсон цорын ганц багийн гишүүн байсан ажээ.
БАРИМТ 15
Газол биеийн хувьд өндөр боловч хөнгөн байсан нь түүнд Европын гаралтай шилдэг тоглогчид болох Тони Кукоч , Дирк Новицки нар шиг хүчирхэг довтлогч болон төвийн байрлалд тоглох боломжийг олгосон. Тэр бол шилдэг төвийн тоглогчдийн нэг юм.
БАРИМТ 16
2016 оны дөрөвдүгээр сарын 02-нд тэрбээр NBA-ын түүхэнд 10,000 оноо/10,000 самбараас бөмбөг авалтын амжилт үзүүлсэн 36 дахь тоглогч болсон. Газол NBA-ийн түүхэнд 20,000 онооны амжилт үзүүлсэн 43 дахь тоглогч болсон ч тэр олон оноо, 10,000 самбар, 3,500 оновчтой дамжуулалт, 1,500 хаалт хийсэн амжилтаараа дөрөв дэх нь болж байна.
БАРИМТ 17
Газол анагаах ухааныг маш их сонирхдог хэвээр байгаа. Учир нь тэрбээр Лос Анжелесийн Хүүхдийн эмнэлэгт тогтмол зочилж, тэдэнд сэтгэлийн дэм өгдөг. Мөн мөнгө тусламжийг тасралтгүй хандивладаг ажээ.
БАРИМТ 18
Түүний төрөлх хэл бол каталан, испани хэл. Гэвч тэр бие даан англи, франц, итали хэл сурсан ажээ.
БАРИМТ 19
Түүнийг Лос Анжелес Лэйкерс багийн домогт тоглогч Коби Брайнтын сайн хамтрагч байсныг бүгд мэднэ. Тэд хоёр чухал тоглолтын турш хоорондоо испани хэлээр ярилцаж, өрсөлдөгч багийнхнаасаа төлөвлөгөөгөө нууж байсан гэдэг.
БАРИМТ 20
Газол мөн тогтмол түүхэн роман уншиж, гартаа Францын сонгодог хөгжмийг тоглож, концерт, дуурь байнга үздэг. Тэр Испанийн тенор дуучин Пласидо Домингогийн найз бөгөөд тоглолтын дараа тайзны ард байнга зочилдог.
БАРИМТ 21
Газол 2019 оны долдугаар сард Кэтрин Макдоннеллтэй гэрлэж, хуримынхаа зургийг Instagram хуудсандаа нийтэлжээ. [132] Хосын охин Элизабет Жианна Газол 2020 оны есдүгээр сарын 13-нд төрсөн. Элизабетийн дунд нэр нь Брайантын талийгаач охины хүндэтгэл бөгөөд Брайантын бэлэвсэн эхнэр Ванесса нь түүний загалмайлсан эх юм.
БАРИМТ 22
NBA-д тоглосон хугацаандаа тэрбээр нийт 20894 оноо цуглуулж, 11305 удаа самбараас бөмбөг авч, 3925 удаа оновчтой дамжуулалт өгч байжээ.
БАРИМТ 23
Түүний амжилтууд: 2 × NBA аварга ( 2009 , 2010 ), 6 × NBA All-Star ( 2006 , 2009 – 2011 , 2015 , 2016 ), 2× Бүх NBA-ын хоёрдугаар баг ( 2011 , 2015 ), 2× Бүх NBA-ын 3-р баг ( 2009 , 2010 ), NBA оны шилдэг шинэ тоглогч ( 2002 ), NBA-ийн шинэ тоглогчийн нэгдүгээр баг ( 2002 ), Бүх Евролигийн хоёрдугаар баг ( 2001 ), 3 × ACB лигийн аварга ( 1999 , 2001 , 2021 ), Испанийн хааны цомын аварга (2001), Испанийн хааны цомын үнэ цэнэтэй тоглогч (2001), ACB финалын MVP (2001), 2 × FIBA Европын оны шилдэг тоглогч (2008, 2009), 2 × Европын шилдэг тоглогч (2004, 2009), 4 × Евроскарын оны шилдэг тоглогч (2008–2010, 2015), FIBA дэлхийн аварга шалгаруулах тэмцээний MVP ( 2006 ), FIBA дэлхийн аварга шалгаруулах тэмцээний шилдэг мэргэн бууч ( 2014 ), 2 × FIBA EuroBasket MVP ( 2009 , 2015 ), 3 × FIBA EuroBasket-ийн шилдэг мэргэн бууч ( 2003 , 2009 , 2015 )
БАРИМТ 24
2003 онд тэрбээр НҮБ-ын Хүүхдийн сангийн элчин сайдаар томилогдсон бөгөөд түүнээс хойш янз бүрийн кампанит ажилд удаа дараа оролцож, Африкт хэд хэдэн удаа аялж, тэндхийн төслүүдэд оролцох болжээ. Мөн 2017-2020 он хүртэл NBPA ( Үндэсний сагсан бөмбөгчдийн холбоо , NBA ) -ын дэд ерөнхийлөгчөөр ажиллаж байсан . Мөн тэр өмнө нь NCAA буюу АНУ-ын Үндэсний коллежийн сагсанбөмбөгийн лигт тоглож байгаагүй ч энэ холбооны Гүйцэтгэх хороонд оролцсон анхны тоглогч юм. 2019 оны зургадугаар сараас Пау Газоль Испанийн Спортын Холбооны (ADESP) нэг хэсэг болох Испанийн Спортын Зөвлөх Зөвлөлийн (CADE) гишүүнээр ажиллаж байна.
