Хөгжлийн банкны нээлттэй сонсголын гурав дахь шатны сонсгол үргэлжилж байна. Өнөөдрийн сонсголоор "Арьс ширийг дотооддоо гүн боловсруулах болон түүгээр бэлэн бүтээгдэхүүн үйлдвэрлэх үндэсний үйлдвэрлэгчдэд хөнгөлөлттэй зээл олгох төсөл"-ийн асуудлыг хэлэлцэж байна.  

Уг зээлтэй холбогдуулан УИХ-ын гишүүн, түр хорооны гишүүн Т.Доржханд УИХ-ын гишүүн Ш.Адьшаагаас асуулт асууж, хариулт авлаа. 

Т.Доржханд: Сүүлийн 10 жилийн хугацаанд арьс шир, ноос ноолуурын үнэ өссөнгүй. Миний хувьд төслийг хангалтгүй гэж үзэж байна. Дэмжээд байхад энэ салбар яагаад босож ирэхгүй байна вэ? 

УИХ-ын гишүүн, гэрч Ш.Адьшаа "Би тодорхой хэлээд байх шиг байх юм Т.Доржханд гишүүн ээ. Би энэ салбарын хүн биш. Хийж бүтээе  гэж ороод одоо ингээд сууж байна. Төрийн зүгээс бодлого, хөгжил ярьдаг ч түүнийгээ хэрэгжүүлдэггүй. Тэнд байдаг хүмүүс улс төрийн зорилгоор аливаа ажлыг гацаадаг жишээ нь энэ байгаа юм. Цэвэрлэх байгууламжийн барилгыг барихын тулд найман тэрбум төгрөгийг төр гаргасан ч одоо хүртэл барьж дуусгаагүй байдаг. Би зугтаах зүйл хийгээгүй. Тиймээс зугтахгүй. Би иргэн байхдаа авсан. Иргэн байх даа төлсөн. Энэ сонсголоор эргэлзээтэй байсан хүмүүс зөв ойлголт авсан байх" гэв. 

Д.Батчулуун