Цагдаагийн ерөнхий газар болон МБА зохион байгуулж буй Залилах гэмт хэргээс урьдчилан сэргийлэх чиглэлээр зохион байгуулагдах аяны хүрээнд Сүхбаатар дүүргийн цагдаагийн газрын нэгдүгээр хэлтсийн Мөрдөн байцаах тасгаас сэрэмжлүүлэг хүргүүллээ. Тухайлбал, энэ оны нэгдүгээр сарын байдлаар манай улсад Залилах гэмт хэрэг 1029 бүртгэгджээ. Харин өнгөрсөн онуудад залилах гэмт хэрэг бүртгэгдэж байсан тохиолдлыг танилцуулъя.
- 2020 онд 6205,
- 2021 онд 7968,
- 2022 онд 14914 хэрэг тус тус бүртгэгдсэн байна.
Эдгээр гэмт хэргээс “Олон шатлалт маркетинг, пирамид тогтолцооны луйварын аргаар” үйлдэж байгаа гэмт хэрэг өссөн үзүүлэлтэй байна. Үүнийгээ дагаад иргэдэд учирч байгаа хохирлын хэмжээ, мөнгөн дүн залилах гэмт хэргийн өсөлтийн хэмжээгээр маш ихээр нэмэгдэх болжээ. Иймд иргэд та бүхэнд энэ төрлийн гэмт хэргийн хохирогч болохоос урьдчилан сэргийлэх, аливаа зүйлийг нягтлан шалгах нь аюулгүй гэдгийг анхаарууллаа.
