БАРИМТ 1
Өзил 1988 оны аравдугаар сарын 15-нд мэндэлсэн, өдгөө 34 настай.
БАРИМТ 2
Тэрбээр тухайн үеийн Баруун Германы Гельзенкирхен хотод мэндэлжээ.
БАРИМТ 3
Түүний биеийн өндөр 180 см буюу таван фут 11 инч.
БАРИМТ 4
Тэр бол Германд нүүж очсон Туркийн цагаачдын хүү юм.
БАРИМТ 5
Түүний өвөө нь Туркийн Зонгулдак хотоос Герман руу нүүснээр тэдний гэр бүл тус улсын харьяа болсон.
БАРИМТ 6
Тэр Германы оны шилдэг хөлбөмбөгчнөөр таван удаа тодорсон билээ.
БАРИМТ 7
Тэрбээр Германы шигшээ багийн хамтаар ДАШТ-д түрүүлж, Реал Мадридад Ла лигийн цомыг өргөсөн билээ.
БАРИМТ 8
Тэрбээр 1995–1998 онд Германы хүүхэд, залуучуудын лигийн Вестфалия 04 Гельзенкирхен, 1998–1999 онд Теутониа Шальке-Норд, 1999–2000 онд Фальке Гельзенкирхен зэрэг багуудад хүчин зүтгэсэн нь мэргэжлийн хөлбөмбөгчин болох суурь болжээ.
БАРИМТ 9
Түүний дараагаар 2000–2005 онд Рот-Вейс Эссен, 2005–2006 онд Шальке 04, 2005 онд Шальке 04 II, 2006–2008 онд Шальке 04 багуудын бүрэлдэхүүнд байсан.
БАРИМТ 10
Залуучуудын замналаа дуусгаж, улмаар 2008-2010 онуудад Германы Бремен хотын Вердер Бремен багт тоглосон түүнийг дэлхийн шилдэг багт элсэх туршлага болж өгсөн.
БАРИМТ 11
Төрөлх нутагтаа 15 жил тоглосны эцэст тэр Испанийн алдарт Реал Мадрид багт 2010-2013 онуудад тоглосон юм. Багтайгаа тэр Ла Лигийн цомыг өргөсөн билээ.
БАРИМТ 12
Түүний замналын хамгийн шилдэг тоглолтууд 2013-2021 онуудад гарсан. Тэрбээр тус онуудад Английн Арсенал багт хүчин зүтгэсэн.
БАРИМТ 13
Озил оргил үедээ техникийн ур чадвар, бүтээлч байдал, дамжуулалтын ур чадвар, алсын хараагаараа алдартай байсан.
БАРИМТ 14
Тэр бол довтолгооны хагас хамгаалагчийн байрлалд нэрээ дархалсан шилдэг тоглогч юм.
БАРИМТ 15
2013 онд Озил Арсенал руу наймаанд очихдоо тухайн үеийн клубийн рекордыг тогтоож, хөлбөмбөгийн солилцооны гол сэдэв байсан. £42.5 сая фунт стерлинг (50 сая евро) хүртэл үнэлэгдсэн нь тухайн үеийн хамгийн үнэтэй Герман тоглогч болгосон юм.
БАРИМТ 16
Озил Европын шилдэг таван лигийн нэг улиралд хамгийн олон гоолын боломжийг үүсгэсэн, Премьер лигийн нэг тоглолтод хамгийн олон гоолын боломжийг бий болгосон, Аваргуудын лигийн тоглолтод 90 минутын турш хамгийн олон гоолын боломж бий болгосон гэсэн рекорд амжилтуудыг эзэмшдэг юм.
БАРИМТ 17
2021 онд Озил Фенербахче багт үнэ төлбөргүй шилжин ирсэн ; [7] 2022 онд клубтэй байгуулсан гэрээгээ цуцалсны дараа тэрээр Стамбул Башакшехиртэй гэрээ байгуулсан.
БАРИМТ 18
Озил 2014 оны ДАШТ-д Германыг түрүүлэхэд тусалсан боловч Германы хөлбөмбөгийн холбоо (DFB) болон Германы хэвлэл мэдээллийн хэрэгслээр ялгаварлан гадуурхсан, үл хүндэтгэсэн хэмээн 2018 онд олон улсын тэмцээнээс зодог тайлсан.
БАРИМТ 19
Тэрбээр олон улсын чанартай тоглолтод улсаа төлөөлөн оролцож, нийт 92 тоглолтод 23 гоолыг оруулсан юм.
БАРИМТ 20
Харин клубийн замналдаа нийт 605 тоглолтод оролцож, 98 гоолыг оруулжээ.
БАРИМТ 21
2013 онд Озил Германы спорт хувцас, тоног төхөөрөмж нийлүүлэгч Adidas компанитай гэрээ байгуулжээ . Тэрбээр Лионель Месси , Гарет Бэйл , Томас Мюллер , Жеймс Родригес зэрэг бусад од тоглогчдын хамт Adidas Predator гуталны сурталчилгаанд тоглосон байдаг. Эдгээр сурталчилгааны нэг нь "Өөрийнхөө тоглоомыг бүтээ" нэртэйгээр 2015 оны наймдугаар сард гарсан бөгөөд Озил эдгээр тоглогчидтой хамт тоглосон. 2013 онд Özil өөрийн логог гаргасан.
БАРИМТ 22
Озилын "M" гоолын баяр нь түүний бяцхан ач охин Мирагийн дурсгалд зориулсан бөгөөд EA Sports -ын FIFA 17 -д багтсан байдаг.
БАРИМТ 23
Түүний намтар бүтээл "The Magic of the Game / Gunning for Greatness" нэртэйгээр 2017 онд гарсан.
БАРИМТ 24
Озил энэ хугацаанд олон төрлийн бизнесийн багцыг бүтээсэн бөгөөд өөрийн M10 нэртэй чөлөөт хувцасны компанийг нээжээ. Нэмж дурдахад тэрбээр өөрийн сүлжээ кофе шоп, спортын эмнэлэгтэй бөгөөд Арсеналын хуучин багийн анд Матью Фламинитэй хамтран Unity Health спортын нэмэлтүүдийн лабораторийг амжилттай ажиллуулж байгаа. Тэрбээр мөн Мексикийн хөлбөмбөгийн Necaxa клубийн хувьцааг эзэмшдэг. Үүнд жүжигчин Эва Лонгориа , загвар өмсөгч Кейт Аптон зэрэг бусад хувьцаа эзэмшигчид багтдаг.
