Олон улсын жүдо бөхийн холбооны 2023 оны цуврал "Их дуулга" тэмцээн Гүрж улсын нийслэл Тбилиси хотноо болж өнгөрлөө. "Тбилисийн Их дуулга-2023" тэмцээний эрэгтэйчүүдийн 73 кг-ын жинд хүч сорьсон ОУХМ Б.Эрдэнэбаяр  аваргын алтан медалийн эзэн болов. Тэгвэл бид та бүхэнд Их дуулгын аварга болсон ОУХМ Б.Эрдэнэбаярын тухай сонирхолтой есөн баримтыг бэлтгэн хүргэж байна. 

БАРИМТ 1.

Тэрбээр -73 кг-д барилдахаасаа өмнө буюу өнгөрсөн жилийг хүртэл 81 кг-д хүч үздэг байжээ. 

БАРИМТ 2.

Тэрбээр Их дуулга тэмцээнээс анхны медалиа хүртсэн нь энэ бөгөөд шууд алтан медалийн эзэн болсон юм. 

БАРИМТ 3.

Өнгөрсөн оны “Ташкент-2022” жүдо бөхийн ДАШТ-ий 81 кг-ын жинд тэрбээр эхний ялалтаа аваад байсан бөгөөд хоёр дахь барилдаанаа 2022 оны Анталья, Унгарын Грандсламын аварга, дэлхийн чансааны дөрөвдүгээрт эрэмбэтэй Бразилын Гуилхерм Шмидттэй хийлээ. Манай бөх вазаригаар илүүрхэж яваад сүүлийн 20 секундэд иппон үнэлгээ алдаж, ялагдал хүлээсэн удаатай. 

БАРИМТ 4.

Тэрбээр "Эрдэнэт Үйлдвэр"ТӨҮГ Хангарьд клубын тамирчин

БАРИМТ 5.

Тэрбээр Эрдэнэт хотод мэндэлж, Орхон аймгийн Эрдэм ахлах сургуульд суралцсан. 

БАРИМТ 6.

Тэрбээр фейсбүүк хуудсандаа "үерхэж байгаа" гэх статустай.

БАРИМТ 7. 

Тэрбээр 81 кг-ын дэлхийн чансаанд 53 дугаар байрт бичигдсэн амжилтаар -73 кг-руу оржээ. Улмаар тэр -73 кг-ын жингийн дэлхийн чансааны 80 оноотойгоор 100 дугаар байрт бичигдэж эхэлжээ. 

БАРИМТ 8.

Б.Эрдэнэбаяр 2022 оны наймдугаар сард болсон насанд хүрэгчдийн Азийн аварга шалгаруулах тэмцээнд шагналт долдугаар байрт шалгарсан байна. 

БАРИМТ 9.

Тэрбээр 2000 онд төрсөн, 23 настай. 

Л.Сайнаа