Олон улсын жүдо бөхийн холбооны 2023 оны цуврал “Их дуулга”  тэмцээн энэ сарын 31-нээс дөрөвдүгээр сарын 2-ны өдрүүдэд Турк улсын Анталяа хотноо зохион байгуулагдана.  Энэ удаагийн тэмцээнд  86 орны эрэгтэй 358, эмэгтэй 268, нийт 626 жүдоч оролцохоор мэдүүлэгт нэрээ өгсөн байна.

“Анталяагийн их дуулга-2023” тэмцээн нь энэ оны тавдугаар сарын 5-13-ны хооронд Катарын нийслэл Доха хотноо болох ДАШТ-ний өмнөх сүүлийн сорил тэмцээн гэдгээрээ онцлог юм.

Энэ удаагийн их дуулга тэмцээнд манай улсаас эрэгтэй 10, эмэгтэй 9  тамирчин оролцох аж. Хэдхэн хоногийн өмнө "Тбилисийн Их дуулга-2023" тэмцээнд оролцсон бүрэлдэхүүн дээр нэмэгдэж эрэгтэйчүүдийн -66кг жинд Б.Эрхэмбаяр, -90кг жинд Г.Алтанбагана, эмэгтэйчүүдийн -52кг жинд Л.Сосорбарам, -57кг жинд ДАШТ-ний хүрэл медальт Л.Энхрийлэн оролцоно.

Эрэгтэйчүүд

-60кг Б.Цогт-Очир, Э.Ариунболд

-66кг Б.Эрхэмбаяр, Ё.Басхүү

-73кг Б.Эрдэнэбаяр, Ц.Цогтбаатар

-81кг Г.Болор-Очир

-90кг Г.Алтанбагана

-100кг Б.Гончигсүрэн

+100кг О.Цэцэнцэнгэл

Эмэгтэйчүүд

-48кг Г.Наранцэцэг, Б.Баасанхүү

-52кг Л.Сосорбарам

-57кг Л.Энхрийлэн, М.Ичинхорлоо

-63кг Б.Ганхайч

-70кг Б.Ням-Эрдэнэ, Б.Баасанжаргал

+78кг А.Адъяасүрэн нарын жүдоч барилдахаар мэдүүлэг өгчээ.

А.Сүх