УИХ-ын чуулганы нэгдсэн хуралдаан эхэллээ. Хуралдааны эхэнд Эдийн засгийн байнгын хорооны санал дүгнэлтийг сонслоо. Дүгнэлттэй холбоотойгоор УИХ-ын гишүүн Ш.Адьшаа асуулт асууж, үг хэллээ. 

Тэрбээр "Монгол Улсын эрдэнэсийн сан хөмрөг бол Монгол Улсын үнэт зүйлийн нэг гэж үзэж байгаа. Эрдэнэсийн сангийн үнэт зүйлүүдийг зарж борлуулах асуудал хуулийн хүрээнд сүүлийн жилүүдэд ямар хэмжээнд явагдаж байгаа вэ.

Эрдэнэсийн санд байсан үнэт үзмэр, чулуунууд хувь хүний үзмэрүүд дээр гараад байгаа. Мөн 2000 оны эхэн үед Эрдэнэсийн санд байсан Юань улсын мөнгөн ембүүг гадагшаа гаргасан асуудал байдаг.

Цаашид энэ алдааг давтахгүй талаар Монголбанк, эрдэнэсийн сан ямар бодолтой байна вэ. Эрдэнэсийн санд хадгалагдаж байгаа үнэт зүйлийг ямар журмаар зарж, борлуулдаг вэ. Дуудлага худалдаагаар зардаг юм уу.

Мөн Дондогдуламийн хөөрөг нэг хүний гар дээр байгаа. Яаж гарсныг нь ч мэдэж байгаа. Үүнийг Эрдэнэсийн санд төр худалдан авах боломж байгаа юу" гэв. 

Д.Батчулуун