Монгол Улсын Төрийн шагналт, Соёлын гавъяат зүтгэлтэн Д.Мягмарын мэндэлсний 90 жилийн ой энэ онд тохиож байна. Д. Мягмарын агсны мэндэлсний 90 жилийн ойн хүрээнд зохион байгуулж буй “1960-аад оны туурвил зүйн шинэчлэл: ДЭМБЭЭГИЙН МЯГМАР” эрдэм шинжилгээний хурал МУИС-ийн Төв номын санд боллоо.
Тэрээр “Үер”, “Газар бид хоёр”, “Тээрэмчин”, “Тээрэмчний охин ” зэрэг бүтээлээрээ Монголын орчин үеийн уран зохиолд өөрийн мөрөө үлдээсэн нэгэн билээ.
Тус эрдэм шинжилгээний хурлаар:
“Үзэл суртлын хатуу хальсыг нэвт гэрэлтүүлсэн Сэлэнгийн уянга”
С.Байгалсайхан /МУИС. доктор (Sc.D), профессор/
“Дэмбээгийн Мягмарын уянгын туужуудын дүр дүрслэл, ур чадвар, ялгарах онцлог”
Т.Баасансүрэн /МЗЭ. доктор (Sc.D), профессор/
“Д.Мягмарын өгүүллэгүүдийн уран чадварын асуудалд”
Т.Баясгалан /ШУА, ХЗХ. ЭШТА. доктор (Ph.D)/
“Д.Мягмарын “Нийлэх замын уулзварт” романы үнэт зүйлс”
Т.Мөнхнаран /МУБИС, НХУС. доктор (Ph.D)/
“Монголын жүжгийн зохиолын нандин эрдэнэ”
Ү.Хүрэлбаатар /МЗЭ. доктор (Ph.D)/
“Дэмбээгийн Мягмар: Хүний сайхан сэтгэл”
Б.Нагнайдорж /Урлагийн гавъяат зүтгэлтэн/
“Д.Мягмарын “Найрын ширээний ууц” жүжгийн эмгэнэлт, инээдэмт үзэл санаа”
Ж.Ууганбаатар /ШУА, ХЗХ. ЭША/
“Д.Мягмарын хүүхдийн зохиолын ур чадвар”
Г.Нарантунгалаг /МУИС, ШУС. доктор (Ph.D)/ зэрэг илтгэлийг тус тус хэлэлцүүлсэн юм.
