Катарын нийслэл Доха хотод жүдо бөхийн насанд хүрэгчдийн дэлхийн аварга шалгаруулах тэмцээн болж, Монголын багаас Л.Энхрийлэн хүрэл медаль хүртэн дэлхийн хос медальтан болсон билээ. Л.Энхрийлэн дэлхийн хос медальтай зургаа дахь монгол жүдоч, 18 дахь хүрэл медалийг эх орондоо авчирсан юм.

Л.Энхрийлэнгийн энэхүү бахдам амжилтыг үнэлж, ивээн тэтгэгч компани болох “Блю Драгон” компанийн зүгээс суудлын автомашин бэлэглэжээ. Автомашин гардуулах арга хэмжээнд гавьяат тамирчин Б.Цэвээндаш, улсын заан Н.Жаргалбаяр нар байж, түүнд амжилт хүслээ.