Бөхийн сонгомол барилдааны “Лондон-2012” олимпын наадмын хүрэл медальт, ДАШТ-ий мөнгөн медальт, Европын аварга ОХУ-ын алдарт бөх Семенов Мингиян Артурович монголд иржээ. Тэрбээр манай улсын бөхчүүдэд өөрийн барилдааны арга туршлагаас хуваалцаж байгаа бөгөөд сонирхсон хэн бүхэнд нээлттэй юм байна.

Халимаг эр Семенов Мингиян Артурович нь 1990 оны зургадугаар сарын 11-ны өдөр Бүгд найрамдах Халимаг улсын Черноземельский дүүргийн Комсомольский тосгонд төрж, найман настайгаасаа бөхийн спортоор хичээллэж эхэлсэн нэгэн.

М.А.Семенов “Лондон-2012” олимпын наадмаас хүрэл медаль хүртэж ирээд тус оны наймдугаар сарын 7-нд Бүгд найрамдах Халимаг улсын баатар цол, наймдугаар сарын 20-нд ОХУ-ын гавьяат тамирчин цолоор шагнуулж байв.