Монгол Улсын хэмжээнд тавдугаар сарын 13-19-нд нийт 664 коронавируст халдварын шинэ тохиолдол бүртгэгдсэн байна. Энэ нь өмнөх долоо хоногтой нь харьцуулахад өссөн үзүүлэлт юм. Тодруулбал, өвчлөл нийслэл хот болон Өмнөговь, Дорноговь, Дорнод, Дархан-Уул, Сүхбаатар аймагт нэмэгдсэн үзүүлэлттэй байна. Улсын хэмжээнд нийт эмнэлэгт хэвтэгсдийн 1.4 хувийг нэн хүнд, 78.5 хувийг хүндэвтэр 13.1 хувийг хөнгөн зэрэгтэй өвчлөл эзэлж байна.
Тавдугаар сарын байдлаар дэлхийн хэмжээнд 766 сая гаруй хүн коронавируст халдвараар өвдөж, 6.9 сая гаруй нас баралт бүртгэгдсэн байна. Сүүлийн долоо хоногийн байдлаар Хятад, Солонгос, Япон улсад 3,000-165,000 орчим коронавирусийн тохиолдол бүртгэгдсэн.
Коронавируст халдварт өвчний эмнэлзүйн шинж тэмдгийн хувьд хоолой өвдөх, хуурай ханиалгах, толгой өвдөх, халуурах шинж тэмдэг түгээмэл илэрч буй. Иймд дээрх шинж тэмдэг илэрсэн тохиолдолд өөрийгөө тусгаарлаж амны хаалтаа зүүж, эрүүл ахуйн зөвлөмжийг баримтлахыг ХӨСҮТ-өөс анхаарууллаа.
Сэтгэгдэл (1)