Холливудын алдарт жүжигчин Жонни Дэппийн үүсгэн байгуулсан Hollywood Vampires хамтлаг тавдугаар сарын 30-аас зургадугаар сарын 01-ний өдрүүдэд Манчестер, Нью-Йорк, Бостон зэрэг хотуудад хийх байсан тоглолтоо тодорхой хугацаагаар хойшлуулсан байна. Учир нь хамтлагийн гишүүн Жонни Дэпп шагайндаа дунд зэргийн гэмтэл авчээ. 

Хамтлагийн гишүүд мэдэгдэлдээ "Бид АНУ-аар хийх гурван өдрийн тоглолтоо хойшлуулж байгаадаа харамсаж байна. Жонни маань саяхан шагайгааа гэмтээсэн. Түүний эмч аялалд явахгүй, хэвтрийн дэглэм сахих ёстойг анхааруулсан. Мэдээж Жонни ийм зүйл болсонд маш их сэтгэлээр унаж байгаа ч удахгүй тэнхэрнэ гэж найдаж байна" гэжээ. 

Депп, Жо Перри , Алис Купер нар хамтлагийг бүрдүүлдэг. Тэд тавдугаар сарын 30-нд Манчестер, Нью-Йорк, тавдугаар сарын 31-нд Бостон, зургадугаар сарын 01-нд Нью-Йоркийн Бетелд тоглох байв. Шинэ хувиариар долдугаар сарын 28, 29, 30-ны өдрүүдэд уг тоглолтууд болох ажээ. 

Л.Сайнаа