Сангийн сайд Б.Жавхлан төсвийн тодотгол өргөн барьсан талаар мэдээлэл өглөө. 

Тэрбээр "Засгийн газар далд авлига хээл хахуультай тэмцсэний үр дүнд түүхий эдүүдийн экспорт богино хугацаанд нэмэгдсэн. Ийм ч учраас төлбөрийн тэнцэл валютын нөөц зэрэг томоохон үзүүлэлтүүд сайжирсан тул дампуурлын эрсдэлээс бүрэн гарсан. Тухайлбал, таван сарын хугацаанд 24 сая тонн нүүрсийг гаргасан. 

Улсын төсөвт нэг их наяд 896 тэрбум төгрөгийн тодотгол хийнэ. Үүнээс

• 996 тэрбум төгрөг нь төрийн албан хаагчдын цалинг нэмэх,
• ахмад настны тэтгэврийг нэмэхэд 396 тэрбум төгрөг,
• хүүхдийн мөнгийг хүсэлт гаргасан хүн бүрд олгох, мөн нөхөн олгоход нийт 167 тэрбум төгрөг зарцуулахаар шийдлээ. 

Мөн 1990 онд тухайн үеийн дундаж цалин авч байсан багш, одоо үеийн багшийн цалинтай итгэлцүүрээр ойролцоо түвшинд очно гэсэн үг. Тухайн үеийн итгэлцүүрийн хэмжээ 2060 байсан. Тэгэхээр 500 мянган төгрөгийг 2060-аар үржүүлээд нэг сая төгрөг авна.  Итгэлцүүрээр тэтгэврийг нэмэгдүүлсний дараа нийт 496 мянга гаруй тэтгэврийн насны хүмүүсийн тэтгэвэр 10 хувиар дахин нэмэгдэнэ. 2022 оноос хойш тэтгэвэрт гарсан хүмүүсийн тэтгэвэр итгэлцүүрээр үржигдэж 15 хувиар нэмэгдэнэ. Дунд, дээд хэмжээний тэтгэвэр өөр түвшинд очно" гэв. 

Д.Батчулуун