Саяхан Укрианы өмнөд Херсон мужид томоохон далан нурсны улмаас бүс нутаг даяар үер болж, найман хүн нар барсан гэх мэдээлэл бий. Тэгвэл өнөөдөр тус улсын ерөнхийлөгч Владимир Зеленский бүс нутагт айлчилж, нөхцөл байдалтай танилцлаа.
Үерийн аюулд өртөж болзошгүй бүс нутгаас иргэдийг нүүлгэн шилжүүлэх, усанд автсан бүс нутгийн иргэдэд чухал дэмжлэг үзүүлэх, экосистемийн эвдрэлийг арилгах, цэргийн нөхцөл байдал зэрэг үйл ажиллагааны нөхцөл байдал зэрэг нь түүний айлчлалын гол зорилго байв. Энэ үеэр Зеленский "Хохирлыг тооцож, гамшигт нэрвэгдсэн оршин суугчдад нөхөн олговор олгох хөрөнгө хуваарилах, хохирлыг барагдуулах, Херсон муж дахь бизнесүүдийг нүүлгэн шилжүүлэх арга хэмжээг авах нь бидний нэн тэргүүний алхам" гэж хэлэв.
Хамгийн сүүлийн үеийн мэдээгээр далангийн зэргэлдээ орших Нова Каховка мужид таван хүн, ОХУ-д эзлэгдсэн Олешки хотод гурван хүн живж нас барсан гэх мэдээлэл байгаа. Улаанзагалмайн нийгэмлэгийн мэдээлснээр ОХУ-ын байршуулсан мина дэлбэрч уг даланг сэтэлсэн гэж үзэж байгаа. Түүнчлэн орон нутгийн иргэдийг болзошгүй минаны аюулаас урьдчилан сэргийлэхийг анхааруулах нь Зеленскийн айлчлалын нэг хэсэг байлаа.
Л.Сайнаа