Нийслэлийн Цагдаагийн удирдах газрын дэд бөгөөд Нийтийн хэв журам хамгаалах газрын дарга, цагдаагийн хурандаа Б.Оюутболд 14 хоногийн хугацаанд гарсан гэмт хэргийн нөхцөл байдлын талаар мэдээлэл өгөв.
Тэрбээр, "Нийслэлийн хэмжээнд өнгөрсөн 14 хоногийн хугацаанд 731 гэмт хэрэг бүртгэгдсэн нь 59.2 хувиар буурсан үзүүлэлт юм. Харин гэмт хэргийн шинжтэй гомдол мэдээлэл 3,136 бүртгэгдсэн. 14 хоногийн хугацаанд 650 залилах гэмт хэрэг бүртгэгдэж, 20 орчим хувиар өссөн ба залилах гэмт хэрэг байнга өсөх хандлагатай байна. Гэр бүлийн хүчирхийлэл буурсан. Харин хүний биед халдах гэмт хэрэг өссөн" гэлээ.