БАРИМТ 1

Юи Сүсаки 1999 оны зургадугаар сарын 30-нд төрсөн.

БАРИМТ 2

Тэр “Токио-2020” зуны олимпын наадмын 50 кг-ын жинд нэг ч оноо алдаагүй алтан медальд хүртсэн юм.

БАРИМТ 3

Сүсаки 2015, 2017, 2019 онд гурван удаа ялагдсаныг эс тооцвол 2010 оноос өнөөг хүртэл 13 жилийн хугацаанд ялагдаагүй тамирчин.

БАРИМТ 4

Түүний анхны багш аав нь байсан бөгөөд тэр дөнгөж зургаан настай байв.

БАРИМТ 5

Харин аав нь түүнийг алдарт бөх Шоко Ёшимүра дасгалжуулагчид хөтөлж шавь оруулахад тэр 13 настай байжээ.

БАРИМТ 6

Юи Сүсаки “Токио-2020” зуны олимпын наадамд сагсан бөмбөгч Рүи Хачимүрагийн хамтаар япон улсын туг баригчаар томилогдсон.

БАРИМТ 7

”Васеда” их сургуулийн спортын шинжлэх ухааны факультетэд суралцан төгсжээ.

БАРИМТ 8

“Парис-2017”, “Будапешт-2018”, “Белград-2022”, “Белград-2023” насанд хүрэгчдийн дэлхийн аварга шалгаруулах тэмцээнд түрүүлэхдээ Парист болсон тэмцээнээс бусдад нь 50 кг-ын жинд түрүүлсэн юм.

БАРИМТ 9

Тэр дэлхийн аварга шалгаруулах тэмцээнд дөрөв түрүүлж, манай улсын үндэсний бөхөөр бол дархан аварга цолонд хүрч байна.

Сербийн нийслэл Белград хотод чөлөөт бөхийн насанд хүрэгчдийн дэлхийн аварга шалгаруулах тэмцээний эмэгтэйчүүдийн 50 кг-ын жинд японы алдарт бөх Юи Сүсаки манай улсын бөх Д.Отгонжаргалыг ялсанаар алтан медаль хүртэж, ДАШТ-ий дөрөв дэх түрүүгээ авлаа. Олимп, дэлхийн аварга Юи Сүсакигийн талаар есөн баримтыг хүргэе.