Тарваган тахлын сэжигтэй тохиолдол бүртгэгдсэн тул Улиастайгаас гарах хөдөлгөөнийг зургаан хоног хязгаарлаад байсан билээ. Тус тахлаар өвчилсөн иргэний ойрын хавьтагчдыг хяналтад авсан тул Улиастай, Яруу сумын хөдөлгөөнийг нээжээ.
Эл иргэн тахлын булчирхай хэлбэрээр өвчилсөн, мөн биеийн байдал тогтворжсон, ойрын хавьтлын хүмүүсээс эмнэлзүйн шинж тэмдэг илрээгүй, шинжилгээний хариу сөрөг гарчээ.
Иймд аймгийн Онцгой комисс хуралдаж, өнөөдрөөс хэсэгчлэн хөл хориог нээх шийдвэр гаргав. Цаашид ойрын хавьтлын 40 иргэнийг сум, өрхийн Эрүүл мэндийн төвүүд, Цагдаагийн газар, Онцгой байдлын газрын хяналтад тодорхой хугацаанд тусгаарлалтад байлгахаар шийдвэрлэжээ.
