БНХАУ-ын Ханжоу хотод Азийн зуны спортын 19 дүгээр наадам гурав дахь өдрөө болж байна. Наадмын жүдо бөхийн эрэгтэйчүүдийн -100 кг-ын жинд Монголын тамирчин Б.Гончигсүрэн алтан медалийн төлөө Узбекистаны бөхтэй барилдаж, цэвэр ялагдлаа. Ингэснээр Б.Гончигсүрэн мөнгөн медаль хүртэж байна. Тэр алтан медалийн төлөө хүч үзсэн энэ удаагийн наадмын Монголын хоёр дахь тамирчин, тав дахь медальтан болов. Ийнхүү Монголын жүдочид Азийн наадмын алтан медальгүй өндөрлүүлж байна. Тэгвэл маргааш жүдо бөхийн багийн төрлийн тэмцээн болох юм.