Бямба гарагт Японы супер од Шохэй Охтани Лос Анжелес Доджерс багтай 10 жилийн 700 сая долларын үнэ бүхий гэрээ байгуулахаар тохиролцсон байна. Энэхүү гэрээ нь АНУ-ын багийн спортын түүхэн дэх хамгийн том гэрээ гэдгээрээ онцлог юм. Тэрбээр өмнөх Лос Анжелес Анжелс багийн анд Майк Троут (426.5 сая доллар), Канзас Сити Чифс багийн хамгаалагч Патрик Махомес (450 сая доллар) нарын үнийн амжилтыг эвдэж байна. 

Бейсболын түүхэнд нэг улиралд 10-аас дээш удаа хожиж, 30-аас дээш удаа онооны амжилт үзүүлсэн цорын ганц тоглогч болох Охтанигийн хувьд энэ нь түүний анхаарлыг татахуйц үнэ биш юм. Хэрэв 29 настай залуухан тэрбээр шинэ гэрээгээ бүрэн дуусгаж чадвал талбай дээрх 742 сая долларын орлогоор MLB-ийн бүх цаг үеийн тэргүүлэгч болох юм. 

Японд төрж, тэнд таван улирал мэргэжлийн түвшинд тоглосон Октани 2017 онд сахиусан тэнгэрүүдтэй гэрээ байгуулснаас хойш маркетингийн хувьд супер од болон өссөн.  Царайлаг, дур булаам тэрбээр АНУ-ын Fanatics, Topps болон эмийн Kowa компани, Японы Seiko болон Boss цагны брэндүүдтэй сурталчилгааны гэрээ үзэглэсэн. 

Түүний энэ өндөр үнэ нь NBA-ийн хамгийн үнэ цэнтэй тоглогчийн нэг болох Леброн Жеймсийн амжилтыг ч ардаа орхисон. Тодруулбал, Леброн замналынхаа туршид сагсанбөмбөгөөс 479 сая ам.доллар олсон байдаг. Тэр жилд ойролцоогоор 41 сая ам.доллар олдог гэсэн мэдээлэл бий. Тийм ч учраас Японы залуу одын энэ амжилт шуугиан тарих нь гарцаагүй юм. 

Л.Сайнаа