Уншигч та бүхэнд арванхоёрдугаар сарын 11-17-ны өдрийн зурхайг танилцуулж байна. 

-Хонь-

Хонины ордонд төрөгсөд энэ долоо хоногт эд баялаг, алдар нэр, амжилт олох магадлал өндөр байна. Сайхан мэдээ сонсоно. Аливаа шийдвэр гаргахдаа зоригтой, өөрийнхөөрөө байгаарай. Холын аялалд гарахаас зайлсхий. Гэр бүлд маргаан гарч болзошгүй. Долоо хоногийн дунд үеэр жаахан азгүйтэж магадгүй. Үүнтэй холбоотой илүү зардал ч гарч мэдэх юм. Долоо хоногийн сүүлээр байдал харьцангуй дээрдэнэ. Орлого нэмэгдэн, хамтран ажиллах санал ч хүлээж авна. Эрсдэлтэй хөрөнгө оруулалтаас зайлсхий. Шинэ зүйл сурах, судалгаа хийх хүсэл төрнө. Хайртай хүндээ гомдоно. Гэхдээ тэр ч бас танд гомдож байж мэдэх тул сэтгэлээ нээн ярилцаарай.

-Үхэр- 

Энэ долоо хоногт үхрийн ордныхны амьдрал бүрэн цэгцтэй байна. Өрсөлдөгчид идэвхтэй хэвээр байх боловч та өөрийн хүчин чармайлтаар тэднийг удирдаж, амжилтад хүрэх болно. Ажил дээр тайван амгалан байна. Сайн танихгүй хүмүүст итгэх хэрэггүй. Долоо хоногийн дунд үед орлого нэмэгдэнэ. Сайн мэдээ сонсоно. Харин долоо хоногийн сүүл үеэр бага зэрэг санхүүгийн алдагдал хүлээх магадлалтай. Үүнийг дагаад ажил үйлсэд саад тулгарч магадгүй. Санхүүгийн шийдвэр гаргахдаа болгоомжтой байж, системтэй ажиллахыг хичээ. Жолоо барихдаа болгоомжтой байхыг зөвлөж байна. Амралтын өдрийг гэр бүлдээ зориулж, баяр тэмдэглээрэй. Арьстай холбоотой эрүүл мэндийн асуудал үүсч магадгүй.

-Ихэр-

Энэ долоо хоногт ихрийн ордныхон ашиг орлого нэмэгдэх сайхан мэдээ сонсоно. Эерэг эрчимээр бялхаж, хүүхдүүдээсээ аз жаргалыг мэдэрнэ. Аялалд явах ч боломж гарч магадгүй. Ойр дотны хүмүүстэйгээ хэрүүл маргаантай байсан бол энэ долоо хоногт эвлэрэх нь. Долоо хоногийн дунд үед санасан болгон тань бүтэх шинжтэй. Хэт их уур уцаараа хянахгүй бол өрсөлдөгчидтэйгөө маргалдаж, сэтгэлээр унан, гуниглаж магадгүй. Долоо хоногийн сүүлийн өдрүүдэд амжилт бүтээл арвин байна. Мэргэжлээрээ ашиг хонжоо олох боломж гарна. Ходоод, гэдэстэй холбоотой эрүүл мэндийн асуудал үүсч магадгүй. Хүүхдүүдийнхээ эрүүл мэндийг анхаарч, дархлааг нь дэмжээрэй. Хайртай хүндээ гомдож, урам хугарна.

-Мэлхий- 

Долоо хоногийн эхээр амьдрал нэгэн хэвийн үргэлжилнэ. Орлого төдийлөн их биш атал ажил их байна. Гэхдээ шинэ машин, үнэт эдлэл гэх мэт дорвитой хөрөнгө оруулалт өөртөө хийх боломж гарна. Найз нөхөд, хамаатан садан тань таныг дэмжинэ. Долоо хоногийн дунд үеэр санасан бүхэн тань сэтгэлчлэн бүтнэ. Харин долоо хоногийн сүүлээр залхууран назгайрч, ажил хийх сонирхол үл төрнө. Ажил хайж байгаа хүмүүст хүссэн ажилдаа орох боломж нээгдэнэ. Бизнес эрхлэгчид амсхийх завгүй өдрүүдийг өнгөрөөнө. Ханиад хүрч, үе мөч өвдөж магадгүй. Сэтгэл санаагаар унаж магадгүй. Тиймээс сэтгэл санаа, бие махбодийн эрүүл мэндээ эн тэнцүү анхаарч, дархлаагаа дэмжээрэй. Хайр дурлалын харилцаа таатай байна.

-Арслан- 

Аз жаргалтай долоо хоног таныг хүлээж байна. Ах дүүсээсээ дэмжлэг авна. Аз таны талд байна. Ашиг орлого төдийлөн нэмэгдэхгүй ч буурна гэж байхгүй. Бүх зүйл таатай байгаа хэдий ч таны сэтгэлд сөрөг бодлууд давамгайлж магадгүй. Аялал, зугаа цэнгэлд багагүй цаг хугацаа зарцуулна. Долоо хоногийн дунд үеэр орлогодоо санаа зовно. Гэхдээ энэ байдал удаан үргэлжлэхгүй. Долоо хоногийн сүүл үеэс ажил амьдралд ахиц дэвшил гарч, ашиг орлого нэмэгдэнэ. Амралтын өдрүүдээр хүүхдүүдээсээ аз жаргал мэдэрч өнгөрүүлнэ. Ажил мэргэжлийн ашигтай санал хүлээж авна. Шинэ ажилдаа зориулж хамаг хүчээ дайчлах хэрэгтэй. Астма, амьсгалын замтай холбоотой өвчлөл үүсч магадгүй. Шаардлагагүй хэрүүл маргаанаас болж хайр дурлалын харилцаа таагүй байна.

-Охин-

Энэ долоо хоногт үл хөдлөх хөрөнгөөс ашиг олно. Ашиг орлого нэмэгдсэн ч зарцуулалтдаа хянамгай хандахыг зөвлөж байна. Аялалд гарч магадгүй. Хууль шүүхийн асуудалтай байсан бол ялалт таны талд байна. Долоо хоногийн дунд үеэр эр зоригтой байснаар асуудлыг шийдэж чадна. Өөрийн байр сууриндаа бат зогссоноор бусдын хүндлэлийг хүлээж чадна. Мэргэжил, ажлын байраа солих магадлалтай. Хувиараа бизнес эрхлэгчдэд тодорхойгүй байдал үүсч магадгүй. Ходоодонд халтай хоол хүнснээс зайлсхий. Мөн цусны даралт ихэсч, багасахтай холбоотой асуудал гарч болзошгүй. Гэр бүлийн хүнтэйгээ зөрчилтэй байсан бол харилцаа харьцангуй зөөлөрч байна.

-Жинлүүр- 

Жинлүүрийн ордныхонд бүх талаар ээлтэй, таатай долоо хоног. Үл хөдлөх хөрөнгөтэй холбоотой асуудал сайнаар шийдэгдэнэ. Орлого ч цаашид нэмэгдэх төлөвтэй байна. Долоо хоногийн дунд үеэр ажил мэргэжилтэй холбоотой сэтгэл түгшээсэн мэдээ сонсож магадгүй. Гэхдээ ажил, мэргэжилээ яаран солихоос зайлсхийж, тогтвортой байдлыг эрхэмлэ. Дээд албан тушаалтнуудтайгаа зөрчилдөж магадгүй. Энэ нь эргээд өөрт тань хор хөнөөлтэй. Жижиг хэмжээний гэмтэл авах, ходоод гэдэс хямрах магадлалтай. Амралтын өдрийг ам бүлээрээ аз жаргалтай өнгөрүүлэхийг зөвлөж байна. Хайртай хүндээ анхаарал тавих тань багасаад байна уу, анзаараарай. Үүнээс шалтгаалаад элдэв жижиг сажиг хэрүүл маргаан тасрахгүй байгаа тул та хандлагаа өөрчлөөрэй.

-Хилэнц -

Хилэнцийн ордныхны энэ долоо хоногийг бэрхшээлийн цаана бэлэг гэдэг үгээр тодорхойлъё. Олон саад бэрхшээлийг давсны эцэст амжилтад хүрэх болно. Долоо хоногийн эхний хагаст бүх зүйл таатай, санасан бүхэн төлөвлөгөө ёсоор бүтнэ. Олон нийтийн үйл ажиллагаанд оролцож, нийгмийн нэг хэсэг гэдгээ мэдэрнэ. Шашны арга хэмжээнд оролцож магадгүй. Санхүүгийн байдал сайн байна. Ялангуяа долоо хоногийн сүүлээр эд баялаг нэмэгдэх магадлалтай. Ойр дотны хүмүүсийн дэмжлэгээс гадна таны аз од ч үүнд нөлөөлж байна. Хамтран ажиллагсадын найрсаг бус байдлаас болоод төлөвлөгөө өөрчлөгдөх магадлалтай. Ходоод гэдэс хямрах, үе мөч өвдөх магадлалтай. Хайртай хүнээсээ хэт ихийг хүлээгээд, түүнээсээ болоод хямарч магадгүй.

-Нум- 

Ажил хэрэг санаснаар хурдан явцтай байхгүй ч гэлээ эцсийн дүндээ бүх юм болно, бүтнэ. Ашиг орлого сайн хэвээр байна. Сэтгэл түгшээсэн мэдээ сонсож магадгүй. Гэхдээ энэ нь аз жаргалтай төгсгөлтэй байх болно. Долоо хоногийн эхний өдрүүдийг хөнгөн, аз жаргалтай өнгөрүүлнэ. Төлөвлөөгүй илүү зардал гарч, асуудал үүснэ. Долоо хоногийн сүүл үеэр оройхон гараад ширүүхэн дайрахын үлгэрээр ажил хурдацтай өрнөж эхэлнэ. Нэмэлт орлого ч орж эхэлнэ. Үл хөдлөх хөрөнгө худалдан авч магадгүй. Зээлийн гүйлгээнд болгоомжтой байхыг зөвлөж байна. Бизнес эрхлэгчид зарлага ихтэй байна. Хоолой өвдөж магадгүй. Хайртай хүнтэйгээ маргалдсан ч эвлэрч, аз жаргалтай байна.

-Матар- 

Энэ долоо хоногт матрын ордныхон гайхалтай амжилт, үр дүнд хүрнэ. Таны гаргасан бүхий л шийдвэр үнэн зөв байх бөгөөд ямар ч асуудал гарахгүй. Гэртээ ч, ажилдаа ч амжилтад хүрэх боломж танд байна. Долоо хоногийн дунд үеэр орлого нэмэгдэнэ. Хүүхдүүдээсээ аз жаргал мэдэрнэ. Долоо хоногийн сүүл үеэр бага зэрэг асуудал үүснэ. Үймээн самуун дэгдээгчдээс болоод ажил дээр тайван бус байдал үүснэ. Гэхдээ удирдах албан тушаалтнуудын дэмжлэгээр та шинэ гэрээ хэлэлцээр хийж магадгүй. Нүд болон хөлтэй холбоотой эрүүл мэндийн асуудал үүсэх магадлалтай байна. Хайртай хүнээсээ гэрлэх санал хүлээж авч магадгүй. Сөрөг эрчимээс зайлсхийж, аз жаргал, амар амгаланг бий болгохын тулд лаа асаах, бясалгах гэх мэт үйл хийгээрэй.

-Хумх- 

Олны хайр дэмжлэг дунд бөмбөрөх долоо хоног. Ажил хайж байсан хүмүүс өөрийн давуу талаа ашиглан шинэ ажилд орох магадлал өндөр байна. Долоо хоногийн дунд үеэр ажил үйлс бүтэмжтэй байна. Санхүүгийн алдагдалд орсон байсан бол энэ долоо хоногт сэргэх шинж тэмдэг ажиглагдаж байна. Долоо хоногийн сүүлээр таатай мэдээ хүлээж авна. Хүлээгдэж байсан асуудлууд шийдэгдэнэ. Сурч боловсроход багагүй мөнгө зарцуулах шаардлагатай болно. Өдрийн цагаар залхуурч, назгайрна. Эрүүл амьдралын хэв маягийг баримтлахгүй бол жин нэмэх магадлалтай. Хайртай хүнээсээ гэрлэх санал хүлээж авна. Та хоёр хамтдаа аялалд гарч магадгүй.

-Загас- 

Загасны ордныхон долоо хоногийн эхээр хэт их зардал гаргах болно. Ажилд саад тотгор гарснаар мөнгөө хэрэгтэй хэрэггүй зүйлд үрэхээс өөр аргагүй болно. Тиймээс өөрөө өөртөө шаардлагагүй асуудал үүсгэхгүй байхыг зөвлөж байна. Долоо хоногийн дунд үеэс нөхцөл байдал харьцангуй дээрдэнэ. Хууль, биологи, технологийн чиглэлээр суралцдаг оюутнууд амжилттай байх болно. Төрийн албанд ажиллагсад амжилттай байна. Ажлын байран дээр бусад хүмүүсээс онцгойрон ялгарч, магтаал сайшаал хүртэнэ. Гэхдээ долоо хоногийн сүүлээр илүү цагаар ажиллаж магадгүй. Хөл, ходоод гэдэстэй холбоотой эрүүл мэндий асуудал үүсч магадгүй. Борлуулалтын бизнес эрхэлдэг хүмүүс ашиг арвин байна.