Монгол Улсын Хөгжлийн банкны өмчлөл, эзэмшилд шилжүүлэн авсан Шинэ Яармаг цогцолбор хорооллын B zone хэсгийн 7 блок 540 айлын орон сууц, 4604.3 м.кв талбай бүхий 332 ширхэг авто машины зогсоол, 2 ширхэг үйлчилгээний зориулалттай барилгыг худалдан борлуулж байна. Эдгээр орон сууцны барилгын каркас угсралтын ажил 5 блокт  100 хувь, 2 блокт 80-90 хувийн гүйцэтгэлтэй юм.

Дээрх үл хөдлөх хөрөнгийг  худалдаж авахыг сонирхож буй төсөл хэрэгжүүлэгч, барилга угсралтын салбарт үйл ажиллагаа явуулж буй компаниудад нээлттэй бөгөөд дэлгэрэнгүй мэдээллийг 8502-0513 утсаар болон https://www.dbm.mn/news/1682 цахим хуудасны үл хөдлөх хөрөнгийн мэдээлэл цэсээс авах боломжтой.

• Орон сууцны барилга нь 15 давхар, нил хавтан суурьтай, төмөр бетон бүрэн цутгамал хийцлэлтэй, зоорьтой, 21.1х14.5 метр болон 24.6х17.5 метр гэсэн 2 төрлийн хэмжээтэй, давхартаа 3 болон 5 айл байхаар төлөвлөгдсөн. Тус барилгын 1 дүгээр давхар нь үйлчилгээний зориулалттай байхаар төлөвлөгдөж, өндөр нь 4.9 метр бол 2 ба түүнээс дээш давхар нь 2.9 метрийн өндөртэй юм.
• Үйлчилгээний барилга нь зоорьтой, 2 давхар каркасан барилга байна.
• Төслийн гадна инженерийн шугам сүлжээ, дэд бүтцийн ажил хийгдсэн бөгөөд худалдан авагч тал зөвхөн авто зогсоолын барилгаар дамжин барилга тус бүрийн холболтыг хийх давуу талтай.
• Авто зогсоолын 3450 орчим м.кв талбайд каркас угсралтын ажлыг гүйцэтгэсэн.