МУГТ Э.Цэндбаатарын мэргэжлийн боксын дэвжээнд ес дэх тулаан маргааш Гвиней улсад төрсөн Канад иргэншилтэй тулаанч Мохамед Сумаоротой тулаанаа хийх юм. Тэгвэл бид уг боксчинг судалж, найман баримт оллоо. 

Баримт 1

Түүний хоч нь "Хар одос үхэр" гэнэ. 

Баримт 2

Тэрбээр 1993 онд Гвиней улсын Монтакри хотод төрсөн. Харин одоо Канад иргэншилтэй. 

Баримт 3

Биеийн өндөр 170 см. 

Баримт 4

2017 оноос өнөөдрийг хүртэл мэргэжлийн боксоор тулалдаж яваа. 

Баримт 5

Түүний хамгийн анхны тулаан 2017 оны дөрөвдүгээр сарын 08-нд байв. Уг тулаанд тэр Мексикийн тулаанч Хосе Вергара Гражедаг хүн цохилтоор ялжээ. 

Баримт 6

Анхны тулаанаа оролцуулаад тэрбээр 2020 оны хоёрдугаар сарын 29-нийг хүртэл 10 дараалсан үнэмлэхүй ялалтын эзэн байв. 

Баримт 7

Тэр нийтдээ 16 тулаан хийж, хоёр ялагдаад байгаа. Хоёр ялагдлынхаа нэгэнд нь хүнд цохиолтод орсон. Харин 14 ялалтынхаа зургааг нь хүнд цохилтоор буулган авчээ. 

Баримт 8

Түүнд 2020 оны хоёрдугаар сарын 29-нд Никарагуа улсын тулаанч Элиссон Мейссон Маркес Ривас анхны ялагдлыг нь хүртээсэн. Харин хоёр дахь нь хамгийн сүүлийн тулаан нь байв. Тэгэхдээ тэр 2023 оны есдүгээр сарын 13-нд Куба улсын тулаанч Орест Веласкес Ромерод хүнд цохилтоор ялагджээ. 

Л.Сайнаа